Lagamunikanw Arajo la baara sarantanw kan

Script

Lagamunikan #1 : Sɔnni walima banni musow ka baara sarantan ma baara kεtaw la

KUMATIGI CΕMAN. MUSOMAN :

Cεw ! Wa juma sera ani dɔgɔkun jan baara kuncεli ! I ye baaraba kε!

Nka i b’a dɔn fεn min nafa ka bon n’i ka baara ye wa? I furuɲɔgɔn ka baara so kɔnɔ.

Tile baaraba kuntaala jan kɔfε, mun ka di ka kɔsegin so du hεrεlen kɔnɔ? K’a dɔn ko denmisεnninw ka kεnεn? Du bε ka labaara ka ɲε o bε hakililatigε ɲuman di i ma, i ka se k’i banba i ka baara kan.

O la bi, i bε sɔn i furuɲɔgɔn ye a ka baara kεlen bεε la du kɔnɔ.

 

Lagamunikan #2 : Baara sarantan ye baara nafama ye

KƐNƐ : KƆLƆSILI CAKƐDA

SFX : KANW, YƐLƐW, BUTOLI MANKANW

UMARU : Dawidi! I ye waati tilancε fɔlɔ jε! E tun bε minni?

DAWIDI : (LAMENTIN) Ee cε, Umaru, i tε se ka da a la. Ne kanu musoba de don.

UMARU : Aa, Dawidi. Abi ye mun kε tan?

DAWIDI : (INCENSÉ) I b’a dɔn, tile baaraba kuntaala jan kɔfε, muso in tun bε ne dusu kasi. A bε so kɔnɔ dɔgɔkun mumε kɔnɔ, nka a b’a kε i n’a fɔ ale kelen de bε bɔ ka taa balo ɲinin denbaya ye. (NIMISA FILEFIYΕ) A ko ne ma, ne k’a dεmεn ka sεεsiw telun.

UMARU : I muɲun, n terikε. Mun de kεra?

DAWIDI : Ne ye fila telun, ka sɔrɔ ka taa. Hakilintanya don. Hali Ala yεrε y’a lafiɲε bɔ! O man ɲin. Ne de bε wari bεε di, a tε dɔwεrε lase n ma gεrεntεw ni dusukasi kɔ!

UMARU : Aa Dawidi, I b’a dɔn k’o tε tiɲε ye. E bε dumuni dumanw kofɔ tuma bεε la, Abi bε minnu tobi ani hakili diya ani i ka filaninw ka kεnεya. A fɔ nafa t’o fana na?

DAWIDI : (PENSIF) N hakili la, awɔ. A bε se ka kε a tε wari di, nka a bε baara min kε, walasa an bεε ka hεrε sɔrɔ ani ka kεnεya sɔrɔ sara t’o la!

UMARU : Kosεbε. A ka sokɔnɔbaara ka ɲin, a nafa ka bon i n’a fɔ e ta.

Baara sarantan YE baara nafama ye! N’ale tε, e ka denbaya bε kε cogo di?

 

Lagamunikan #3 : Dεmεnnibaara sarantan ye bεε ka kεta ye

KUMATIGI CƐMAN. MUSOMAN :

Gadonbaara caman in, denmisεnninw ladonni ani baara sarantan tɔw so kɔnɔ ani sigida la, olu kεbaa ye musow ye.

O baara suguya jatelen don k’a kε muso ka dukɔnɔjɔyɔrɔ an’a ka kεta ye. Nka musow kelen tun man kan ka kε o baara sarantan banbali kεbaa ye!

Gaden bεε – cεw, musow ani hali denmisεnnin kɔrɔbalenw – olu bε se ka sendon baara sarantanw kεli la. Kεtaw ka kan ka tila bεrεmakεɲε kɔnɔ u ni ɲɔgɔn cε.

I kana ɲinε ko ga min bε baara kε, danfara t’o ni izini, baton walima dilanni jɔlɔkɔ sεbε cε – A ɲuman ye bεε ka ye dankan kelen na.

O la, an k’an fangaw fara ɲɔgɔn kan du hεrεma ɲuman sɔrɔli kama.

 

Lagamunikan #4 : Baara wajibilakow : Tile kelen baara sarantan kεbaa muso ka ɲεnamaya kɔnɔ

MARIYA : Wow, Zayinabu, e ka baara wajibilakow jate minε kε. Fatɔya tε wa.

ZAYINABU : A man jugun o cogo la, Mariya.

MARIYA : Hmmm, i n’a ye o. A cogoya fɔlɔ ye : “ka to bila la 24/24, dɔgɔkun tile 7/7, san tile 365.”

ZAYINABU : Mun? Lafiɲεbɔ t’a la? N’i man kεnεn dun!

MARIYA : U mako bε i ka ye hali n’i man kεnεn. Wa jiginni kɔfε lafiɲεbɔ tε yen. A b’i n’a fɔ waati kelen min, n’i bε se ka lafiɲεbɔ sɔrɔ nin baara sarantan na, o ye n’i jiginna, k’i mako bε lafiɲεbɔ dɔɔnin na sanni k’i segin i yεrε ma.

ZAIYNABU : Awɔ, nka a tε se ka kε ko jiginni bε jate diyanyeko dɔ ye. O baara in ɲεfɔcogo ka jugun. Nka wari ka fisa a la; ko di?

MARIYA : (YƐLƐW) Mun wari? Sara ye nayira fu ye kalo la ani nayira fu san kɔnɔ.

ZAYINABU : (CHOQUÉE) Mun?

MARIYA : I bε se k’i ka sɔrɔ dafa ni baara wεrεw ye, nka i ka kan k’u kεɲε ni kɔlɔsiliw ye. Wa o t’a bannen ye. Nin seko ninnu ka kan ka sɔrɔ i la : tobili, kalali, jatebɔ, jatekalan baju, dɔnko dɔnniyaw, sanniw na…

ZAYINABU : (INTERROMPANT) O ye ko jugu ye. Minεnɲinin? O ye baara suguya jumεn ye? Jɔyɔrɔ tɔgɔ ye jumεn ye?

MARIYA : Dukɔnɔmuso baara sarantan kεbaa.

KUMATIGI CƐMAN.MUSOMAN :

Baara sarantan kεli ka gεlεn cogo min na, i t’a dɔn o cogo ye. An ka muso baara sarantan kεbaaw senkɔrɔmadon, an ka dukɔnɔbaara kεtaw tila an ni ɲɔgɔn cε ani ka gεrεntε sigi, min b’a to ɲε-n-ma bε se ka kε bεrεmakεɲε kɔnɔ an ka gaw kɔnɔ, an ka sigidaw kɔnɔ ani hali kεnyεrεye la.

 

Lagamunikan #5 : Baara sarantan kɔlɔlɔ dogolenw

KUMATIGI CƐMAN.MUSOMAN:

Musow ni musomanninw ye baara sarantan fanba kεbaaw ye – saniya, denmisεnninw ladonni, finiko, dɔgɔɲinin ani jita.

Afiriki sahara woroduguyanfan fε, musow bε baara sarantan saba fo naani kε ka tεmεn cεw kan. Wa kɔkɔlɔba b’o la. A bε musow farikolo laafu, k’u hakili ɲagami. Nka kɔlɔlɔ wεrεw b’a la, minnu dogolen don.

A bε dan sigi musow ka sɔrɔ ni ladamu na, ka fara u sendonni kan hadamadenya, seko ni dɔnko ani politiki baara kεtaw la.

O la, an ka baara sarantanw kεɲε bεrεmakεɲε kɔnɔ, min b’a to musow bε se k’u ka ɲεnamaya ni sogow kε o baara kɔfε.

 

Lagamunikan #6 : Ka baara sarantan kalan kε bi mɔgɔw kun

KUMATIGI CƐMAN.MUSOMAN:

An ka kan ka yεlεma don an kεcogo la ka ɲεsin musow ma, baara sarantanw kεli la, sokɔnɔbaaraw b’o la. Wa o daminεni waati ɲuman ye denmisεnninw bε denmisεnya la tuma min na.

K’a jira i ka denmisεnw na ko baara sarantan ka ɲin, a ka fisa ga ma. Bεε ka kεta don, ani a ka kan ka tila bεrεmakεɲε kɔnɔ musomanninw ni cεmanninw cε, ani hali cεw ni musow cε.

So kɔnɔ sekow nafa ka bon bεε kan. Baara kεta fosi tε yen, min dabɔlen bε cεmanninw walima musomanninw dama kama. Munna cεmanninw fana tε se ka tobili kε, walima musomanninw ka mɔbiliw ko?

K’a daminε kabini sisan, k’i ka denmisεnninw kalan siniɲεsigi ɲuman na.

 

Lagamunikan #7 : Muso baara sarantan kεbaaw ka senyεrεkɔrɔ, o ye cεsiri ye sigida fε

KUMATIGI CƐMAN.MUSOMAN:

Bi, mɔgɔw b’a la ka hakili sɔrɔ ka taa a fε gεlεyaw kan, minnu bε muso baara sarantan kεbaaw kan an ka sigida la, wa a bε taama u kan. Musow don, minnu bε sokɔnɔbaaraw kε sanga ni waati bεε la ani baara kεta wεrεw du kɔnɔ ani sigida la, kasɔrɔ sara t’a la, ani tuma dɔw la u bε tanu ka da u ka kεlen cogoya kan.

Nka yεlεma donni an yεrεw ka sow kɔnɔ o t’a ɲε. An ka kan ka sigida kelen sigi senkan, baara sarantan ani muso baarakεlaw bonyanen don ani k’u minε koɲuman ni hɔrɔnya ye.

O kεcogo fεεrε dɔ ye ka politikiw senkɔrɔmadon ani wulikajɔ politikiw, minnu bε dɔ fara muso baarakεlaw fanga kan ani k’u lakanan.

O la, a’ ye wote a’ ka duw nafa kɔnɔ!

 

Lagamunikan #8 : K’i furuɲɔgɔn dεmεn baara sarantanw kεli la.

SFX : TELEFƆNI MANKAN

ENE : (NISƆNDIYABAATƆ) N den, i hakili jiginna ne na bi wa. I bε cogo di?

JƐMUSI : (YƐLƐW) Oo maman, n tε se ka ɲinε i kɔ abada. N ka kεnεn. Nka, ne yεrε tun b’a fε ka laadilikan ɲinin e fε Lusi ka ko la.

ENE : I muso wa? Yala a ka kεnεn wa?

JƐMUSI : Oo, ne t’o dɔn, A tun ka di n ye k’e hakilila dɔn, n bε se ka kuma a fε cogo min na. Kabini Ziniyɔri bangera, a tε fosi ɲuman kε.

ENE : Cogo di?

JƐMUSI : Kunun, an y’an teriw wele; olu nana a sɔrɔ halibi a bε so saniyali la – I b’a dɔn? O waati la, fosi tun tε yen ka di u ma. Ne de bolila ka taa sisε dɔ san dumunifeereyɔrɔ dɔ la, walasa a kana kε jigilatigε dan bεε y’an bolo. Ne m’a dɔn n bε se ka min fɔ a ye, nka a k’a cogo ɲε.

ENE : (DIMINNEN) N den, n ma nisɔndiya n’i ye.

JƐMUSI : Ehn?

ENE : Ne m’e ladamu nin cogo la. A bε saniyali la tuma min na, e tun bε mun na?

JƐMUSI : (TƆƆRƆLEN) Ne… nka… ne

ENE : I hakili b’a la, i fa bangeli sannayεlεma don, e n’i balimakεw, aw ye ne dεmεn. Hali ale yεrε tun bε ne dεmεn tuma dɔw la. Aw ye kulu de ye! O la munna e t’i muso dεmεn?

JƐMUSI : (MAJIGIN) N tun ka kan k’a dεmεn.

ENE : Awɔ, i tun ka kan! Aw ka ga bε baara koɲuman cogo di, n’i tun y’i furuɲɔgɔn dεmεn!

 

Lagamunikan #9 : A fɔ ayi, ɲangatawale min sinsinnen don suguya kan ka ɲεsin muso sarantan baarakεlaw ma

DANJUMA : Ooooh. O ye mun tilenbaliya ye! (FILEFIYƐW)

BULUSI : Ah Dan, mun de kεra?

DANJUMA : Ayisa i ye ne ka dumuni sisi tuguni. N dalen b’a la k’a tun bε εndusiniman lajεli la, ka ɲinε ko daga bε ga kan.

BULUSI : (YƐLƐW) Don dɔ la, a bε sukaro kε naji la kɔgɔ nɔ na!

DANJUMA : Bulusi, i ɲε t’a la? Cεw bε yen, minnu b’a gosi o kεli la, walasa a ka se ka hakili sɔrɔ a b’a la ka min kε. A ka kan ka Ala barikada; ne ye n kali, ko n tεgε tεna da muso kan… (FILEFIYƐW).

BULUSI : (TƆƆRƆLEN) Dumuniko la? Dan, ne dalen b’a la k’o ye fili ye. I man kan ka miiri o yεrε la. Wa munna halibi ale kelen de ka kan ka baara sarantan bεε kε; i n’a fɔ e yεrε ka tobili kε, ? O tε tilennenya ye!

DANJUMA : Awɔ, tiɲε b’i bolo. (LAFIƝƐBƆ FITININ) Aa, n tεna a gosi. N ko dɔrɔn, dɔw b’o kε.

BULUSI : Ne b’a dɔn, nka o kɔni ye fatɔya ye. I hakili t’a la, ni tuma o tuma an tun ye fili kε foro la, M. Sule tun b’an gosi? I n’a fɔ siɲε min na e ma da sɔgɔ, fo baw bɔra?

DANJUMA : Ko kɔrɔ baro bɔli dabila.

BULUSI : N’an ka baaratigi (patɔrɔn) tun m’e gosi i kεlen ka wari tiɲε a kun, o la, i fana ka kan ka yaafa a ma dumuni sisili la.

DANJUMA : (ŊUNAN) n bε n jilaja. N hakili la n ka kan ka wuli joona ka n ka daraka dilan n yεrε ye. n tε se ka to fasalen nin cogo la.

KUMATIGI CƐMAN.MUSOMAN:

Ɲangata ka sinsin suguya kan, o man kan ka kε, ka da kun si kan, wa kεrεnkεrεnnenya la, n’i furuɲɔgɔn ma se ka sokɔnɔbaaraw kε.

 

Lagamunikan #10 : Baaratigiw ka kan ka muso baara sarantan kεbaaw dεmεn u ka se ka u ka ɲεnamaya ni u ka kelennakow bεn ni ɲɔgɔn ye

DUNAN : I bisimila muso makobatigiw ka waati kɔnɔ A’ ka Arajo la, Arajoso nimɔrɔ fɔlɔ. An ni Yankati Faranki a ka cakεda «Yankat Chips» la. Aw ni ce an lasɔrɔli la, Madamu Faranki.

YANKETI : A diyara n ye kosεbε.

DUNAN: Ne y’i ka kɔmitεrεw ye jamana fan bεε fε. I jilajalen don kosεbε.

YANKETI : Awɔ, an sera ka yiriwa tiɲε yεrε la san fila laban in kɔnɔ. Kɔmitεriw selen feereli ye, n y’a faamuya, ko n wajibiyalen don ka farati dɔɔnin kε, walasa n ka se ka yiriwa. N ye garijεgε sɔrɔ n ni kulu ɲuman bε ɲɔgɔn bolo.

DUNAN : N ɲε bε muso caman na baara la yan. O tun ɲεsigira wa?

YANKETI : Ne hakili kεra musow ka senyεrεkɔrɔ sabatili ye, wa kabini ne ye nin bayεlεmani cakεda in dayεlε, a waleyacogo ɲuman kεra o ye.

DUNAN : Hakilila ɲuman y’o ye.

YANKETI : Ne yεrε ka faamuyali ye gεlεyaw dɔn, minnu bε muso denmisεn denbatigiw kan, minnu bε baara kε ka u ka baara ni dukɔnɔbaara bεn ɲɔgɔn ma. O de kosɔn, anw b’a ɲinin ka lεrε da u ye, minnu bε bεn u ma. Wa san nata, n hakili la, ko an bεna se ka kεnε sɔrɔ, denbatigiw bε se ka na n’u denw y’u bolo u ka baarakεlεrεw kɔnɔ.

KOMAƝAGANNA : I b’u dεmεn tiɲε na.

YANKETI : Ne hakili la baaratigiw ka kan k’u ka baarakεlaw dεmεn u ka se k’u seko kε. U ka hakε ye minεko ɲuman ye! Wa n kεtɔ ka n ka baarakεlaw dεmεn, u bεna se ka u jɔyɔrɔ fa wariko la u ka denbayaw kɔnɔ, ka u jɔyɔrɔ fana fa baara kεcogo ɲuman na!

 

Lagamunikan #11 : Ka yεlεma ɲuman don sɔrɔw lasɔrɔli la muso baara sarantanw kεbaaw dεmεnni kama

REINE : Ne furukε, muso jumεnw nana palε la kunun? U ni e sεbεkɔrɔ barola.

KOTIGI/ƝΕMƆGƆ : Hm? Oo, Musow don, minnu bε dugu in kɔnɔ sisan. U tun nana ne fo, ani k’a ɲinin n fε, n’u bε se ka baara kεta sɔrɔ n bolo sigida la yan. U ye jεn ani senkɔrɔmadonni ɲinin ne fε, u ka poroze ɲεmɔgɔya kosɔn.

MASAMUSO : (NISƆNDIYABAATƆ) O ka ɲin. A ka di ne ye mɔgɔ caman hakili ka jigin anw na nin cogo la. I y’a fɔ k’u tun b’a fε k’e fo? O bε kε cogo di?

KOTIGI: I hakili b’a la an bε kɔlɔn kura senni waati min na, fo e y’a bisigiya a ka se ka senni dugu masurunna na?

MASAMUSO : Awɔ, o tun man di mɔgɔw ye, sabula ko ji yɔrɔ ka jan dugu jukɔrɔ yen ka tεmεn fan wεrε kan, nka fan wεrε tun yɔrɔ ka jan kosεbε.

KOTIGI : (SEWALENBA) Musow de b’o fɔ. U ko kɔlɔn senni dugu kɔnɔ, o bε dɔ bɔ u ka waati kuntaala la ji ɲininni na, ani ka waati jan sɔrɔ u bolo ka taa lakɔli la ani ka kalan kε.

MASAMUSO : O ma bali ne na – o furancε ka taa ji ɲinin, o tun tε baro ye. Siɲε fila tile kɔnɔ. kɔlɔn senninen kɔfε, yεlεma ɲuman donna sebaaya sɔrɔli cogoya la kalanbilaw kiimεniw na. O la, a tε bala mɔgɔ la, musomanninw ka na i fo.

KOTIGI : Ne tun m’a dɔn ko kɔlɔn sennini yɔrɔ ɲuman na, k’o bε se ka diya nin cogo la.

MASAMUSO : I b’a fε ka min fɔ, o ye i muso, masamuso, sabalilenba don. (U FILA YƐLƐLA)

KUMATIGI CƐMAN.MUSOMAN:

N’i b’a fε ka jɔli kε, o ɲεfɔ muso baara sarantan kεbaaw ye ! U ɲininka min ka di u ye ani u mako bε fεn min na, i k’u sedon bεnkan tali la. Ka sanga u mako ma, i bε se ka mɔgɔ caman ka siniɲεsigi jεya!

 

Lagamunikan #12 : Kunnafoni cakεdaw bε se cogo di ka yεlεma don fɔtaw la baara sarantanw kan

KUMATIGI CƐMAN.MUSOMAN:

Yεlεmacogo ka ca muso baara sarantan kεbaaw dabolo la. A dɔ ye mɔgɔ minnu bε baara kε kunnafoni cakεdaw la, ani cεw ni muso minnu bε mɔgɔw lasu, olu k’u ka kεnεw (pilatifɔrɔmuw) labaara a kow kan ani ka yεlεma don sisan kɔrɔfɔw cogoya la; o min fε, musow ye baara bεε kεbaaw ye.

An bε se ka cεya koron k’a bila sira ɲuman kan, ani k’a jira, ko cεw fana bε se ka kε dεmεnbaaw ye ani sangaɲɔgɔnma baaraw kεbaaw ye.

An bε se ka muso baara sarantan kεbaaw kumakan sankɔrɔta, ani k’u ka kumaw n’u ka ko kεtaw lamεn.

Kunnafoniko dɔnbaa ŋanaw, an k’an ka pilatifɔrimu labaara, walasa ka danfara don muso baara sarantan kεbaaw ka ɲεnamaya kεcogo la.