በኮቪድ-19 ክትባቶች፣ ክትባት ማስተዋወቂያ፣ የህዝብ ጤና እርምጃዎች እና የፆታ እኩልነት እንዲሁም አካታችነት ላይ የሚያጠነጥኑ የአየርላይ ማስታወቂያ ሰሌዳዎች (ስፖቶች)

አፍዎንና አፍንጫዎን በጭምብለ ይሸፍኑ፤ ጭምብል አደራረግዎም ትክክለኛ ይሁን

 

የኮቪድ-19 ወረርሽኙ እጅግ አታካች ነበር፤ አሁንም አልተቋጨም። ሆኖም ተስፋ አንቁረጥ! ወዳጅ ዘመዶቻችንን እና ማህበረሰቡን ከበሽታው ለመታደግ ስንል መበርታት ይኖርብናል።

ስለዚህ ሙሉ ክትባቱን የተከተቡም ቢሆን አፍና አፍንጫዎን በጭምብል መሸፈኑን አያቋርጡ። ጭንብል ከበሽታ እንዲከላከልሎ ጉንጭዎን፣ ከአፍንጫዎን እና አገጭዎን በደንብ ገጥሞ መሸፈን አለበት። በትክክል ሲለብሱ, ጭምብልዎ ምቾት ሊሰማው ይገባል። ጭምብልዎን ሲያደርጉ ምቾት እንዳይነሳ አድርገው መሆን አለበት።

ልክዎ የሆነ ጭምብል ይጠቀሙ፤ እንዲሁም ይከተቡ።

በጋራ ኮቪድ-19ን መግታት እንችላለን።

 

---

 

የህክምና ጭምብሎች ከጭርቅ ጭምብሎች በተሻለ መልኩ በሽታን የመከላከል አቅም አላቸው። ሆኖም ግን ጭምብል ከነአካቴው ካለመጠቀም ይልቅ የጨርቅ ጭምብሎችን መጠቀሙ ይመረጣል።

 

የኮቪድ-19 ስርጭትን ለመከላከል ከሚረዱን መሃል ጭምብሎች በዋነኝነት ደረጃ ይቀመጣሉ። በድጋሚ ጥቅም ላይ ከሚውሉ የጨርቅ ጭምብሎች ይልቅ ጥራት ያለው፣ ጥቅም ላይ ከዋሉ የተወሰነ ሰዓት ውስጥ የሚጣሉ የህክምና ጭምብሎች እርስዎን ከበሽታ ለመጠበቅ እና የኮቪድ-19 ስርጭትን ለመከላከል የበለጠ ውጤታማ ናቸው። ነገር ግን ያስታውሱ፡- ራስዎንም ሌሎችንም ከበሽታ ለመከላከል ጭምብል በትክክሉ የሚሸፍንዎትን ጭምብል መጠቀም አለብዎት።

ለጥቂት ሰአቶች ተጠቅመውበት የሚያስወግዱት ጭምብል ከሌሎት በተደጋጋሚ ሊጠቀሙት የሚችሉትን የጨርቅ ጭምብል መጠቀምዎን ይቀጥሉበት። የጨርቅ ጭምብልን መጠቀሙ ከነአካቴው ጭምብል ካለመጠቀም ይልቅ ይመረጣል።

የሚወዷቸውን። ጭምብል ይጠቀሙ።

 

---

 

አሁንም ኮቪድ-19ን በሚመለከት መውሰድ የሚገባንን ጥንቃቄዎች መቀጠል አለብን።

 

የኮቪድ-19 ወረርሽኝ ረጅም እና ከባድ ነበር፣ በሚያሳዝን ሁኔታ ደግሞ ገና አልተቋጨም።

ስለዚህ ሁላችንም የጥንቃቄ እርምጃዎች መውሰዱን አጠናክረን መቀጠል አለብን።

አፍዎን እና አፍንጫዎን በትክክሉ የሚሸፍን ጭምብል ማድረግዎን ይቀጥሉበት። የሰውነት ርቀትዎን ይጠብቁ። እጅዎን በተደጋጋሚ ይታጠቡ። መስኮቶችን በመክፈት በቂ የአየር ዝውውር መኖሩን ያረጋግጡ። ሲያስሉ እና ሲያስነጥሱ አፍና አፍንጫዎን በክርኖ መሸፈኑን እይዘንጉ።

ከሁሉም በላይ ደግሞ ክትባቱን ይከተቡ!

ተግተንና ጠንክረን ማህበረሰባችንን ከበሽታው መጠበቃችንን እንቀጥል።

 

---

 

ኮቪድ-19 ለረጅም ጊዜ የሚቆይ ጤና ላይ ተጽእኖ ሊኖረው ይችላል።

 

ከባድ እቃ የማንሳት ድምጽ። ከዛ የማሳል ድምጽ።

ምነው ኮፊ? ደህና አይደለህም እንዴ?

(ከባድ ትንፋሽ) አዎ ደህና ነኝ ውዴ፣ አመሰግናለሁ። ከኮቪድ-19 ካገገምኩ በኋላ ግን እንደድሮዬ አይደለሁም… እሁንም በጣም ትንፋሽ ያጥረኛል፣ ድሮ በቀላሉ እሰራቸው የነበሩት የሰውነት እንቅስቃሴዎች አሁን አሁን ይከብዱኛል።

ይህ ገን እንዴት ሊሆን ይችላል? ባለፈው ሳምንት ከኮቪድ-19 ነጻ እንደሆንክ ተነግሮናል፣ ብዛ ላይ ደግሞ ጤናማ ወጣት ነህ!

እሱስ እውነት ነው ግን ደግሞ ሃኪሙ እንዳስረዳኝ ኮቪድ-19 ዘላቂ የሆነ ጉዳት በሳምባ ልብና ኩላሊት ላይ ሊያስከትል ይችላል። የማሽተትና የመቅመስ አቅምን እንኳን ያሳጣል። የምትሰሪልኝን ምግብ እንኳን ጣዕሙን ከለየሁ ሳምንታት አለፉኝ። በዛ ላይ ሁሌ እንደደከመኝ ነው…

ውይ የኔ ውድ አዝናለሁ… ቶሎ እንደሚሻልህ ተስፋ አደርጋለሁ። እሁን ሁለታችንም መከተባችን ተመስገን ነው የሚያስብለው።

ኮቪድ-19 አይመርጥም። ለሁሉም ሰው አደገኛ ነው። በጤናዎ ላይ ዘላቂ ተጽእኖ ሊኖረው ይችላል። ክትባቶች ከባድ ሕመምን፣ ሆስፒታል መተኛትን እና በኮቪድ-19 ሞትን ለመከላከል በጣም አስተማማኝ እና ውጤታማ መንገዶች ናቸው።

ስለዚህ ሳይዘናጉ ዛሬውኑ የከተቡ።

 

---

 

በኮቪድ-19 ክትባቶች ዙሪያ ላይ ጥርጣሬዎች አለዎ? የሚያስፈልጎትን መረጃ ያግኙ።

 

ኮቪድ-19ን ለመግታት ተከተቡ እየተባልን መሆኑን ማመን እየተሳነኝ ነው። ይህ እኮ መብትና ነጻነቴን የሚጋፋ ነው!

ምን እየተሰማህ እንደሆነ ይገባኛል ወንድሜ። እኔም የኮቪድ-19 ክትባቶቹ ያጠራጥሩኝ ነበር። ስለክትባቶቹ ተጨማሪ መረጃ እንዲኖረኝ ስለፈለኩ እንዲሁም እንዴት እንደሚሰሩ ለማወቅ ስል ሬዲዮ xxx ን በማዳመጥ ያሉኝን ጥያቄዎች ሁሉ ጠየኩ። ከዛ በኋላ ነው ሃሳቤን የቀየርኩት። አሁን የሚሰማኝ ማህበረሰባችንነ እራሳችንም ከበሽታው ለመከላከል ስንል መከተብ እንዳለብን ነው።

አሃሃ… ይህን ሁሉ ጥናት ካደረክበትማ ምናልባት ትክክል ትሂናለህ…

አሪፍ! በል አሁን ኳስ ግጥሚያችንን እንቀጥል። (የማጀቢያ ሙዚቃውን አለስልሶ ማጫወት)

በርካታ ሰዎች ኮቪድ-19 ክትባት ዙሪያ ላይ ጥርጣሬ፣ ንዴት ወይም ፍርሃት አላቸው።

ጊዜ ወስደው ስለ ክትባቶቹ ለማወቅ እና ከቤተሰቦችዎ እንዲሁም ጓደኞችዎ ጋር ስለ ክትባቶቹ በመነጋገር የክትባት ሻምፒዮን ይሁኑ።

እውነታዎቹን ይወቁ። ይከተቡ።

 

---

 

ከክትባቱ በኋላ በበሽታው መያዝ

 

ስልክ ይጠራል

ሄሎ፣ ይህ ሬዲዮ xxx ነው። አየር ላይ ነዎት!

ሄሎ! ኮቪድ-19ን በሚመለከት ጥያቄ ነበረኝ እባክዎ። እንደሰማሁት ከሆነ የተከተቡ ሰዎችም በኮቪድ-19 የመያዝ እና የመታመም እድሉ አላቸው። ስለዚህ መከተቡ ለምን ይጠቅመኛል?

አዎ ክትባቱን ቢከተቡም በኮቪድ-19 ተይዞ የመታመም አልፎ ተርፎም በሽታውን ወደ ሌሎች የማሰራጨት እድሉ ይኖራል። ሆኖም ግን ክትባቱን መከተቡ በበሽታው የመጠቃትም ሆነ የማስተላለፍ እድሉን በእጅጉ ይቀንሰዋል።

ክትባቱ ከከባድ ሕመም፣ ሆስፒታል ከመተኛት አልፎ ተርፎም ከሞት ይጠብቃል። ለዚህም ነው መከተብ አስፈላጊ የሆነው – ለጤናዎ ነው።

ከተከተቡ በኋላ ኮቪድ-19 ቢይዘኝ ሳልከተብ ከሚይዘኝ የበለጠ ጤናማ እሆናለሁ እያልሽኝ ነው?

በትክክል!

የኦሚክሮን ዝርያ በተለየ መልኩ ተላላፊ ነው። ለዚህም ነው ብርካታ ሰዎች ከተከተቡ በኋላ በኮቪድ-19 የሚያዙት። ነገር ግን ክትባቶች ከባድ ሕመምን፣ ሆስፒታል መተኛትን እና ሞትን ለመከላከል በሚደረገው ጥረት በጣም ውጤታማ ናቸው።

ስለዚህ ነገ ዛሬ ሳይሉ የከተቡ።

 

---

 

እጅጉን የተጋለጡትን ከበሽታው ለመከላከል ክትባት ይከተቡ።

 

ፋቱ! ሰሞኑን ምነው ገበያ ቦታ አላየሁሽም (አላየሁህም)?

ሰላም ቢንቱ። አሁን አሁን ብዙም ወደ ውጭ አልወጣም። የኮቪድ-19 ክትባቱን መከተብ ስለማልችል ጤናዬ እንዲጠበቅ የተለየ ጥንቃቄ መውሰድ አለብኝ።

ውይ! ለምንድነው መከተብ የማትችይው (የማትችለው)?

ፈልጌ ነበር እኔማ ጓደኛዬ። ግን የካንሰር ህክምና እየተከታተልኩ ስለሆነ የሰውነቴ በሽታ የመቋቋም አቅም ተዳክሟል ስለዚህ መከተብ አልችልም። ክትባቶቹ አስተማማኝና ውጤታማ እንደሆኑ አውቃለሁ ግን የሰውነቴ በሽታ የመቋቋም አቅሙ እየተከታተልኩ ባለው ህክምና ምክንያት ተዳክሟል።

አዝናለሁ ፋቱ። ለረዳሽ (ልረዳህ) የምችለው ነገር አለ?

አዎ—ጓደኞችሽ (ጓደኞችህ) እና ቤተሰቦችሽ (ቤተሰቦችህ) እንዲከተቡ አበረታቺያቸው (አበረታታቸው)! ምንም እንኳን እኔ መከተብ ባልችልም, በዙሪያዬ ያሉ ሁሉም ሰዎች መከተባቸው እኔንም ይረዳኛል። ሁሉም ሰው ሲከተብ እኔም ምናልባት ወደ ገበያ ለመመለስ መተማመን ይሰማኝ ይሆናል።

በሽታ የመቋቋም አቅማቸው የተዳከመ ሰዎች በኮቪድ-19 ምክንያት የመታመም ወይም የመሞት እድላቸው ከፍተኛ ነው። ክትባቱን መከተብ ስለማይችሉም አደጋው የበለጠ ነው።

ለበሽታው በጣም ተጋላጭ የሆኑትን ጨምሮ ማህበረሰብዎን ከበሽታው ይጠብቁ። ክትባቱን ይከተቡ።

 

---

አዎን፣ ነፍሰ ጡር እናቶች የኮቪድ-19 ክትባትን ያለ ምንም የጤና ላይ እንከን መከተብ ይችላሉ።

 

በአዲሱ ጽንስሽ ላይ እንኳን ደስ አለሽ እህቴ! ሌላ ልጅ ወደ ቤተሰብሽ ልትቀላቅይ ስለሆነ መቼስ ደስታ ላይ ነሽ።

በጣም ነው ደስ ያለን እንጂ! በዛ ላይ ደግሞ የኮቪድ-19 ክትባትን በመከተቤ በጣም ደህንነት ተሰምቶኛል!

(መገረም) ክትባት?? ግን እርጉዝ ሆነሽ የኮቪድ-19 ክትባትን እንዴት ልትወስጂ ቻልሽ?

አልሰማሽም እንዴ? ተመራማሪዎቹ ነፍሰጡሮች ክትባቱን ቢከተቡ በራሳቸው ላይም ሆነ በጽንሱ ላይ የሚያስከትለው የጤና እንከን እንደሌለ ተናግረዋል። በተቃራኒው ደግሞ በኮቪድ-19 ብያዝ ለልጄም አደገኛ ነው የሚሆነው። ክትባቱ እኛን ለመጠበቅ ይረዳናል!

ይሄማ መልካም ዜና ነው! እሺ ታድያ… ልጅሽ አንቺን ወይስ ባለቤትሽን የሚመስል ይመስልሻል? (ሳቅ እና አጃቢ ድምጽ መቀነስ)

ሴቶች፣ ነፍሰጡር ብትሆኑም የኮቪድ-19 ክትባትን ያለ ምንም የጤና እንከን መከተብ ትችላላቹህ። የኮቪድ-19 ክትባቶችን አሁንም በማጥናት ላይ የሚገኙት ተመራማሪዎች ነፍሰጡር ሴቶች መከተብ እንደሚችሉ እየተናገሩ ነው ያሉት።

ስለዚህ አትዘናጊ! ራስሽንም ልጅሽንም ከበሽታው ጠብቂ። ተከተቢ።

 

---

 

የኮቪድ-19 ክትባት መካንነትን አያስከትልም።

 

የኮቪድ-19 ክትባቶች መካን ወይም በግኑኝነት ወቕት አቅመ ቢስ ያደርጋል የሚል ወሬ ሲናፈስ ሰምተህ ይሆናል! ይህ ግን እውነት አይደለም። የኮቪድ-19 ክትባቶች የመራባት ወይም አቅም ማነስ ላይ ተጽዕኖ እንደሚያሳድሩ ምንም ማረጋገጫ የለም።

ሀሰተኛ ወሬዎችን አይመኑ። ክትባቱን ይከተቡ።

 

---

 

የኮቪድ-19 ክትባቶች ወንድ ላይ መሃንነትን አያስከትሉም።

 

ጓዴ የኮቪድ-19 ክትባት እንዳልተከተብክ ሰማሁ። ለምንድነው?

መከተብ አልችልም — ልጅ መውለድ እፈልጋለሁ!

ኦ ይህማ ወሬ ነው። ባዛ ላይ ሃሰተኛ ወሬ ነው። የኮቪድ-19 ክትባቶች መሃን አያደርጉህም! ክትባቶቹ አስተማማኝ እና ውጤታማ ናቸው። በኮቪድ-19 ምክንያት በጠና ከመታመም፣ ሆስፒታል ከመተኛት ወይም ከመሞት ይጠብቅሃል።

አንተ አንዳልከው አዎ። ግን በምን ማረጋገጥ ይቻላል?

ሬዲዮ XXXን ሳዳምጥ ነበር። የጤና ባለስልጣናትን፣ የአካባቢ ሃኪሞችን እና ክትባቱን የወሰዱ ሰዎችን ጋብዘው ቃለ መጠይቅ ሲያደርጉ ነበር። ሁሉም ተመሳሳይ ነገር ነበር ሲሉ የነበረው። የኮቪድ-19 ክትባቶች ወንዶችንም ሆነ ሴቶችን መካን አያደርጉም።

ስለዚህ እባክህ ተከተብ። ለራስህም ለማህበረሰቡም ጤንነት ሲባል ክትባቱን መውሰዱ ጥሩ ነው።

(በጥልቅ ሃሳብ በመዋጥ) እሱስ እነዛ ሁሉ ሰወች ተመሳሳይ ነገር መናገራቸው አስተሳሰቤን ይቀይረዋል። ሬዲዮ XXX ላይ ደግሞ እምነት አለኝ። ዛሬ ማታ ወደ ሬዲዮ ጣቢያው እደውላለሁ።

ኮቪድ-19 ክትባቶች መሃንነትን አያስከትሉም።

ሃሰተኛ ወሬዎችን አይመኑ። ይከተቡ።

 

---

 

የኮቪድ-19 ክትባቶች ሴቶች ላይ መሃንነትን አያስከትሉም።

 

የገበያ ቦታ ድምጽ። ማጀቢያ ድምጹ ይቀነስ።

አህመድ ሚስትህ የኮቪድ-19 ክትባት እንደተከተበች ሰማሁ። ለምን ግን እንዲህ አደረገች? ሌላ ልጅ መድገም የምትፈልግ መስሎኝ ነበር።

አዎ አብዱል ተከተበች እኔም በመከተቧ ደስተኛ ነኝ። የኮቪድ-19 ክትባት መካን አያደርጋትም። ከከባድ ህመም እና ሞት ይጠብቃታል እንጂ።

በምን አወቅክ?

በቢልዮኖች የሚቆጠሩ ሰወች የኮቪድ-19 ክትባትን ተከትበው ደህንነታቸው እንደተጠበቀ ነው ያሉት፣ ስለዚህ እሷም ደህና እንደምትሆን ጥርጥር የለኝም።

ኮቪድ-19 ክትባቶች ሴቶችም ላይ ሆነ ወንዶች ላይ መሃንነትን አያስከትሉም።

ሃሰተኛ ወሬዎችን አይመኑ። ይከተቡ።

 

---

 

ጡት በማጥባት ላይ ያሉ እናቶች የኮቪድ-19 ክትባት በደህና ሊከተቡ ይችላሉ።

 

የህጻን ለቅሶ። ማጀቢያ ድምጹ ይቀነስ።

ኦ ማሪያማ እንዴት ቆንጅዬ ሴት ልጅ አለችሽ! እንኳን ደስ አለሽ።

አመሰግናለሁ አሳታ፣ እጅጉን ተባርከናል። ደግሞ ያለፈው ሳምንት የኮቪድ-19 ክትባትን ስለተከተብኩ ልጄ ስታድግልኝ እኔም ጤንነቴ ይጠበቃል።

(መገረም) ክትባት?? ይህ እንዴት ሊሆን ይችላል? በርግጠኝነት ልጅሽን እያጠባሽ ነው ያለሽው አደል? መቼስ ክትባቱ ከጡት ወተትሽ ጋር ተቀላቅሎ እንዲያልፍ አትፈልጊም!

ጓዴ፣ በእርግጥ ጣፋጯ ልጄንማ እያጠባኋት ነው። የኮቪድ-19 ክትባቶች ለሚወስዱ ጡት የሚያጠቡ እናቶች እና ህፃናቶቻቸው ፍጹም ደህንነታቸው የተጠበቀ ነው እንደውም በክትባቱ በኩል የተወሰነ የኮቪድ-19 መከላከያ ሊተላለፍ ይችላል።

ውይ እሱማ እፎይታ ነው! ለራስሽ እና ለልጅሽ እንደዚህ አይነት ጥሩ እንክብካቤ እያደረግሽ ስለሆነ ደስ ብሎኛል።

እኔ አሁን እናት ነኝ — በጤንነቴ ላይ ምንም አይነት ድርድር አላደርግም።

ሴቶች ጡት እያጠቡ ቢሆንም ኮቪድ-19ን ለመከላከል መከተብ ይችላሉ። የኮቪድ-19 ክትባቶችን የሚያጠኑ ተመራማሪዎች ጡት የሚያጠቡ ሴቶች መከተብ ይችላሉ መከተብም አለባቸው ይላሉ።

ስለዚህ አይዘናጉ! ራስዎን እና ልጅዎን ከበሽታው ይከላከሉ። ይከተቡ።

 

---

 

ወንዶች! ኮቪድ-19 ወረርሽኙ ባለበት በዚህ ወቅት ለሴቶች ድጋፋችሁን ስጡ

 

ወንዶች! በኮቪድ-19 ወረርሽኝ ወቅት ብዙ ሴቶች በትጋት እና ከመቼውም ጊዜ በላይ እየሰሩ ናቸው። ልጆች ከትምህርት ቤት ወጥተዋል፣ የቤተሰብ አባላት ታመዋል፣ ሴቶች ደግሞ በእርሻ ቦታ፣ በሥራ ቦታ እና በቤት ውስጥ ካሉት ሃላፊነቶች በተጨማሪ ብዙ ጊዜአቸውን የሚጠይቅ ክንውኖች አሉባቸው!

በህይወትዎ ውስጥ ያሉ ሴቶች እንዲሰቃዩ አይፍቀዱ።

ወንዶች፣ እህቶቻችሁን፣ ሚስቶቻችሁን፣ ሴት ልጆቻችሁን እና እናቶቻችሁን በዚህ በችግር ጊዜ ህጻናትን በመንከባከብ እና ሌሎች የቤት ውስጥ ሥራዎችን በመርዳት ደግፉ።

ሴቶችን ለመደገፍ እና ደህንነታቸውን ለመጠበቅ ሌላ ዋነኛ መንገድም አለ። የኮቪድ-19 ክትባትን ይከተቡ።

 

---

 

በኮቪድ-19 ወረርሽኝ ወቅት በፆታ ላይ ተመስርቶ እየተደረገ ያለን ጥቃት እየተጋፈጡ ላሉ ሴቶች ድጋፍ አለ።

 

ኮቪድ-19 ሁሉንም ጎድቷል — ከሁሉም በበለጠ መልኩ ግን ሴቶች ላይ ጉዳቱ ያመዝናል።

በኮቪድ-19 ወረርሽኝ ወቅት፣ ብዙ ሴቶች ከቤት መውጣት አልቻሉም ነበር ለዚህም በባሎቻቸው ጥቃት ሲደርስባቸው ተስተውሏል። እርስዎ ወይም የሚያውቁት ሰው የሞራል፣ አካላዊ ህክምና፣ ህጋዊ ወይም ስነ ልቦናዊ ድጋፍ ካስፈለገ፣ ይደውሉ። [ጾታዊ ጥቃት እና የቤት ውስጥ ብጥብጥ ሲከሰት ድጋፍ የሚሰጠውን አካል ስልክ ቁጥር እዚህ ያስገቡ]።

ያስታውሱ፦ ብቻዎን አይደሉም።

 

---

 

በኮቪድ-19 ወረርሽኝ ወቅት የሚደርሱ ጾታን መሰረት ያደረጉ ጥቃቶችን ይከላከሉ ለተገቢው አካልም ይጠቁሙ።

 

አባቶች፣ ወንድሞች፣ እህቶች እና እናቶች — በሴቶች ላይ የሚደርሱ ማናቸውንም ጥቃቶችን በመከላከል እና ለተገቢው አካል በማሳወቅ ረገድ ሁላችንም የምንጫወተው ወሳኝ ሚና አለን።

እርስዎ ወይም የሚያውቁት ሰው የሞራል፣ አካላዊ ህክምና፣ ህጋዊ ወይም ስነ ልቦናዊ ድጋፍ ካስፈለገ፣ ይደውሉ። [ጾታዊ ጥቃት እና የቤት ውስጥ ብጥብጥ ሲከሰት ድጋፍ የሚሰጠውን አካል ስልክ ቁጥር እዚህ ያስገቡ]።

በሴቶች ላይ የሚደርስ ጥቃትን አልቀበልም ይበሉ።

 

---

 

ወላጆች! ስለ ኮቪድ-19 ክትባቶች ከልጆችዎ ጋር ያውሩ።

 

ውዴ፣ ስለ ኮቪድ-19 ክትባቶች መነጋገር ያለብን ይመስለኛል። ታዳጊ ልጆቻችን አሁን መከተብ ይችላሉ። ስለዚህ ምን ማድረግ እንዳለብን መወሰን አለብን።

አዎ ልክ ነህ… ከክትባቴ በኋላ በጣም ጥሩ ስሜት እየተሰማኝ ነው። ሃኪሙም ክትባቶቹ ከከባድ ሕመም፣ ሆስፒታል ከመተኛት እና ከሞት ጥሩ መከላከያ እንደሚሆኑ ነግረውናል።

እውነት ነው… ዛሬ ማታ ከልጆቹ ጋር ቁጭ ብለን እንነጋገር እስቲ። ልጆቻችን የሚከተቡበት ጊዜ ደርሷል።

ወላጆች! ከአጋርዎ ጋር በመተባበር የቤተሰብዎን ጤንነትና ደህንነት ይጠብቁ። ስለ ኮቪድ-19 ክትባቶች ከልጆችዎ ጋር ይነጋገሩ፤ ቤተሰብዎን እና ማህበረሰብዎን ጤንነትና ደህንነት ለመጠበቅ እንዲረዳዎ ተገቢውን ምርጫ ይምረጡ።

አይዘናጉ። ጊዜው የመከተቢያ ነው።

 

---

 

ክትባቶች ለአረጋውያን ብቻ አይደሉም!

 

ሁላችሁም ወደ ማህበር ስብሰባችን ዛሬ ማታ እንኳን በደህና መጣችሁ። ዳግም ስለተቀላቀልኳችሁ ደስ ብሎኛል የኮቪድ-19 ክትባቱን ሁለተኛ ዙር ከተከተብኩ በኋላ ደግሞ ጥሩ ስሜት እየተሰማኝ ነው።

ግን ለምን ተከተብሽ እመቤት? የኮቪድ-19 ክትባቶቹ ለአረጋውያን ብቻ ናቸው፣ አንቺ ደግሞ ወጣት እና ጤናማ ነሽ።

አመሰግናለሁ ግን… እነዚህ ክትባቶች ለሁሉም ነው የተዘጋጁት —ለአረጋዊያንም ለወጣቶችም! ለአርጉዝ ሴቶችም ጭምር።

እርጉዝ ሴቶችም?

አዎ ለነፍሰ ጡር ሴቶች የኮቪድ-19 ክትባቱን መከተቡ ፍጹም ደህንነቱ የተጠበቀ ነው። የጤና ባለሙያዎችም እንደሚሉት ክትባት መከተቡ እራስዎን፣ ቤተሰብዎን እና ማህበረሰብዎን ለመጠበቅ የተመረጠ መንገድ ነው።

አሁን ወደ ስብሰባችን እንግባ… (አጃቢ ድምጽ ይቀነስ)

ኮቪድ-19 ከሰው ሰው አይለይም። በማንኛውም የዕድሜ ክልል ያለ ሰውን ሊያጠቃ ይችላል።

የኮቪድ-19 ክትባቶች በሁሉም ዕድሜ ክልል የሚገኙ ሰዎችን ከበሽታው ለመጠበቅ አስተማማኝ እና ውጤታማ መንገድ ናቸው።

የመከተቢያ ጊዜው ነው።

 

---

 

ኮቪድ-19 ከጓደኞችዎ፣ ቤተሰብዎ እና ከስራ ገበታዎ እንዲለይዎ አይፍቀዱለት።

 

ከባድ የኮቪድ-19 በሽታ የተከሰተባቸው ሰዎች ለማገገም ስድስት ሳምንታት ወይም ከዚያ በላይ ሊፈጅባቸው ከመቻሉም በላይ ኮቪድ-19 በጤናቸው ላይ ዘላቂ ተጽእኖ ሊኖረውም ይችላል። ይህ ማለት ደግሞ ከጓደኞች፣ ከቤተሰብ እና ከስራ ገበታ ለመራቅ የሚገደዱበት ጊዜ ማለት ነው።

ነገር ግን ኮቪድ-19 ክትባትን የወሰዱ ሰዎች በጠና የመታመም፣ ሆስፒታል የመተኛት ወይም ለመሞት የመዳረግ እድላቸው በጣም አናሳ ነው። ጤናማና ደስተኛ ኑሮን ከቤተሰቦቻቸው ጋር በመሆን መምራት ይችላሉ።

ስለዚህ አይዘናጉ። ይከተቡ።

 

---

 

በኮቪድ-19 ምክንያት ህይወቶዎን አይጡ።

 

በዓለም ዙሪያ በኮቪድ-19 ምክንያት ወደ ስድስት ሚሊዮን የሚጠጉ ሰዎች ህይወታቸውን አጥተዋል። ይህ ደግሞ አሰቃቂና አሳዛኝ ክስተት ነው።

ግን እራስዎን ለመጠበቅ ቀላል መንገድ አለ። የኮቪድ-19 ክትባቶች አስተማማኝ እና ውጤታማ ናቸው። መከተብ ከከባድ ሕመም፣ ሆስፒታል ከመተኛት ወይም በኮቪድ-19 ምክንያት ከመሞት ጥሩ የመከላከያ መንገድ ነው።

ህይወትዎን አይጡ። ይከተቡ።

 

---

 

ኮቪድ-19 ክትባቶችን በሚመለከት ማመንታት ላይ ነዎት? እውነታዎቹን ይረዱ።

 

እንደምን አደርሽ (አደርክ) ሲታ! ሱቄ ውስጥ ስላየሁሽ (ስላየሁህ) ደስ ብሎኛል። አምሮብሻል (አምሮብሃል)!

አመሰግናለሁ አማ። በጣም ደህና ነኝ! የኮቪድ-19 ክትባትን ሙሉ በሙሉ ተከተብኩ። ኡፍ እንዴት ያለ እፎይታ ነው!

ኦ ሲታ… እነሱ ክትባቶች ላይስ እምነት የለኝም።

ስጋትሽን (ስጋትህን) እረዳዋለሁ። ግን ስለክትባቶቹ ማወቅ ሳይሻል አይቀርም። ሁሉም ቤተሰቤ አባላቶች እና የቅርብ ወዳጆቼ ተከትበዋል እና ሁሉም ልክ እንደ እኔ ጤናማ ናቸው።

አውነት?

አዎ። በቢሊዮን የሚቆጠሩ ሰዎች የኮቪድ-19 ክትባቶችን በደህና ተከትበዋል። ክትባቶቹ ከባድ ሕመምን፣ ሆስፒታል መተኛትን እና ሞትን ለመከላከል ደህንነታቸው የተጠበቀ እና ውጤታማ ናቸው።

መልካም ስለነገርሽኝ (ስለነገርከኝ) አመሰግናለሁ። ግን ተጨማሪ ጥያቄዎች አሉኝ። እስቲ የበለጠ ንገሪኝ (ንገረኝ)። ስለ… (አጃቢ ድምጽ መቀነስ)

ከጓደኞችዎ እና ከቤተሰብዎ ጋር ስለሚያሳስቧቸው ጉዳዮች መነጋገር የኮቪድ-19 ክትባቶች ደህንነታቸው የተጠበቀ እና ውጤታማ መሆናቸውን ሊያረጋግጥላቸው ይችላል።

ስለ ኮቪድ-19 ክትባቶች እውነታዎቹን ይረዱ፣ ይከተቡ፣ ከጓደኞችዎ እና ከቤተሰብዎ ጋር ስለሚያውቁት በመነጋገር የክትባት ሻምፒዮን ይሁኑ።

 

---

 

የግል የክትባት ማረጋገጫ

 

ሕይወት በረከት ነው። እያንዳንዳችን ቤተሰቦቻችንን እና ማህበረሰባችንን ከኮቪድ-19 የመጠበቅ ሃላፊነት አለብን።

(ስም) የኮቪድ-19 ክትባቶች ደህንነታቸው የተጠበቀ እና ውጤታማ መሆናቸውን ለማሳወቅ እዚህ ተገኝተዋል። የህይወትን ገጸ በረከቶች ማግኘቱን እንዲቀጥሉ አሁኑኑ እንዲከተቡ አበረታታለሁ።

 

---

 

የኮቪድ-19 ክትባቶች መደበኛ፣ መለስተኛ የጎንዮሽ ህመሞች

 

የስልክ ጥሪ

ሄሎ ቢኒያም ነኝ።

ቢኒ! ሰላም ልጄ!

እንዴት ነህ አባዬ?

ደህና ነኝ። ግን አንተ ያን ኮቪድ-19 ክትባት መከተብህን ሰማሁ። ምነው እነሱ ክትባቶች እኮ ለህመም ነው የሚዳርጉህ አታውቅም እንዴ?

ኧረ ይሄ ዝም ብሎ ወሬ ነው አባዬ። ክትባቱን ከወሰድኩ በኋላ አንዳንድ መለስተኛ የጎንዮሽ ህመም ተሰምቶኝ ነበር። ክንዴን አሞኝ ነበር፣ እና ትንሽ ደክሞኝ ነበር፣ ህመሙ ግን አንድ ወይም ሁለት ቀን ውስጥ ነው የጠፋው። ልክ እንደ ማንኛውም ሌላ ክትባት ማለት ነው።

እና አሁን ሙሉ ጤንነትና ጥሩ ስሜት ነው የሚሰማኝ። ክትባቶቹ ሰዎችን አያሳምሙም ከበሽታ ይከላከላሉ እንጂ። አንተ እና እማዬም በቅርቡ እንደምትከተቡ ተስፋ አደርጋለሁ።

ጤንነት እየተሰማህ ስለሆነ ደስ ብሎኛል! ክትባቱን እኔና እናትህ ስለመከተባችን ግን እናስብበታለን። በል ደህና ሁን ልጄ፣ ሰሞኑን እደውልልሃለሁ… (ማጀቢያ ድምጽ የቀንስ)

የኮቪድ-19 ክትባትን ከተከተቡ በኋላ ባሉት ጥቂት ቀናት ውስጥ እንደ ሰውነት መዛል ህመም፣ ድካም፣ ራስ ምታት እና ቀላል ትኩሳት ያሉ ቀላል የጎንዮሽ ጉዳቶች የተለመዱ ናቸው። እነዚህ የተለመዱ ናቸው የጎንዮሽ ህመም ሲሆኑ ክትባቱ እየሰራ ነው ማለት ነው።

የኮቪድ-19 ክትባት ደህንነቱ የተጠበቀ እና ውጤታማ ነው።

እውነታዎቹን ይወቁ። ይከተቡ።

 

---

 

ክትባት እንዲከተቡ ለልጆቻችሁ ድጋፍ አድርጉ።

 

በር መንኳኳት። በር ሲከፈት ድምጽ።

መጥቻለሁ አንድራድ!

እንዴት ነሽ ውዴ?

ምነው ፍቅሬ፣ የተጨነክ ትመስላለህ?

አዚዝን አውርቸው ነበር… የኮቪድ-19 ክትባት ሊከተብ እንደሆነ ነገረኝ። ሰዎች ክትባቱ አስተማማኝ እንደሆነ እንደሚናገሩ ባውቅም እያሳሰበኝ ነው…

ለልጅህ መጨነቁ አይቀሬ ነው ውዴ። ነገር ግን ክትባቱን የተከተቡ ብዙ ሰዎችን አውቃለሁ፣ እና ሁሉም ጤናማ እና ደህና ናቸው። ሃኪሜ ክትባቱ ከኮቪድ-19 እንደሚጠብቀኝ ነግሮኛል። ምናልባት ስለ እሱ የበለጠ ማወቅ ይኖርብን ይሆናል።

ልክ ሳትሆኚ አልቀረሽም… በዛ ላይ ልጃችን ነው። በስርዓቱ ስላሳደግነው አምነዋለሁ።

የኮቪድ-19 ክትባቶች አስተማማኝ እና ውጤታማ ናቸው። ከልጆችዎ ጋር ስለ ክትባቶቹ በማናገር ይደግፏቸው።

አሁን ጊዜው የመከተቢያ ነው።

 

---

 

ክትባቶቹ አስተማማኝ እና ውጤታማ ናቸው።

 

አንዳንድ ሰዎች የኮቪድ-19 ክትባቶች በፍጥነት የተገነቡ እና አስተማማኝ አይደሉም ብለው ይጨነቃሉ። ግን የኮቪድ-19 ክትባቶች ደህና እና ውጤታማ ናቸው።

አንዳንድ ሰዎች የኮቪድ-19 ክትባት የተዘጋጀው ከመጠን በላይ ፈጥኖ ነው ብለው ስለሚያምኑ የክትባቶቹ አስተማማኝነት ያሳስባቸዋል።

ክትባቶቹ በፍጥነት የተዘጋጁበት ሶስት ምክንያቶች ቀጥሎ ተዘርዝረዋል፡

አንደኛ – ተመራማሪዎች ቾሮናቫይረስን ማጥናት ከጀመሩ አስርታ አመታትን አስቆጥረዋል። በብዙ መንገዶች ኮቪድ-19 ከሌሎች ኮሮናቫይረሶች ጋር ስለሚመሳሰል ተመራማሲዎች ፈጥነው የትኛው አይነት ክትባት ኮቪድ-19ን ሊገታ እንደሚችል ደርሳውበታል።

ሁለተኛ – ኮቪድ-19 ዓለም አቀፋዊ ቀውስ ስለሆነ በርካታ ድርጅቶች፣ ኩባንያዎች እና መንግስታት የሰዎችን ደህንነት ለመጠበቅ ሲባል ክትባት ለመፍጠር ብዙ ገንዘብ አውለዋል። ገንዘቡ የክትባት አምራቾች ከሌሎች ክትባቶች ይልቅ በፍጥነት እና በብቃት እንዲሰሩ አስችሏቸዋል።

ሶስተኛ – የኮቪድ-19 ክትባቶች አስተማማኝና ደህንነታቸው የተጠበቀ እንዲሆን ሲባል ጥብቅ ሙከራ ተደርጎባቸዋ

፤ አሁንም እየተደረገባቸው ይገኛል። የኮቪድ-19 ብሽታ ተጽዕኖ ከፍተኛ ስለሆነ ተመራማሪዎች ሙከራ መረጃዎቹ እንደወጡ ነው ጥናታቸውን ወዲያው የሚያከናውኑት። ይህ ደግሞ ኩባኒያዎች ክትባቱን በፍጥነት እንዲያዘጋጁ ረድቷቸዋል።

የኮቪድ-19 ክትባቶች አስተማማኝ እና ውጤታማ ናቸው።

ስለዚህ አይዘግዩ። ይከተቡ።

 

---