የእግድ እብደት፡ ጾታዊ ጥቃት በኮቪድ-19 ወቅት

የፎሪዋ ቤት

ፎሪዋ፣ ዳንኤል፣ ልጆች (ሴርዋ፣ ቤቢ እና ፓፓ)

ሙዚቃ

ውዴ መነጋር አለብን፡፡ ራዲዮውን ቀንሽውና ወደዚ ነይ፡፡

እሺ ውዴ፡፡

እየውልሽ ቤት ውስጥ ስላለንበት ሁኔታ ሳስብ ነበር፤ እንዴት እንደምንኖር በጣም ጨንቆኛል፡፡ ይሄ ኮቪድ-19 የሚሉት ነገር ከመጣ ወዲህ ሕይወታችን በፍጥነት ከጥሩ ወደ መጥፎ ተቀይሯል፤ እየባሰበት ነው፡፡ አሁን በሃገሪቱ ባለው አጠራጣሪ ሁኔታ ምክንያት አስተማሪዎች የደሞዛቸውን ግማሽ ብቻ ሊከፈላቸው እንደሆነ ከትምህርት ቤት ተነግሮኛል፡፡

ባለቤቴ ይህን በመስማቴ አዝናለሁ፡፡ ቀላል እንዳልሆነ አውቃለሁ፣ ግን እናልፈዋለን፣ ይህንን ወረርሽኝ እናልፈዋለን፡፡

አዎ እናልፈዋለን፣ የምናልፈው ግን ዝምብለን ቁጭ ብለን ምንም ሳናደረግ አይደለም፡፡

እና ምን እናድርግ ትላለህ? የዉበት ሳሎኔን ከቤት መውጣት ከታገደ ወዲህ ከፍቼው አላውቅም፡፡ በአሁን ሰኣት ለጸጉር ሠሪ መደ ሥራ መመለስ አደገኛ ነው፡፡ ቫይረሱ በቀላሉ ከደምበኞቼ ሊተላለፍብኝ ይችላል፡፡

አውቃለሁ፣ ለዚያም ነው ሳይረፍድ ህልውናችንን ማረጋገጥ ያለብን፡፡ ሴርዋ አሁን ወጣት ሴት ናት፤ ጥሩ አድርገን አሳድገናታል፡፡

[አፏን ከድና ትስቃለች] አዎ ጥሩ አድርገን አሳድገናታል፡፡ ብልህ እና ሃላፊነት የሚሰማት ልጅ በመሆኗ ኩራት ይሰማኛል፡፡

በትክክል፤ ደሞ ስታምር …

እና ይሄ አሁን ካለንበት ችግር ጋር ምን ያገናኘዋል?

ሁሉም ነገር … ባባን ታስታውሽዋለሽ?

ሃብታሙ ጓደኛህ?

አዎ፡፡ ልጃችሁን ዳሩልኝ ብሎ ጠይቋል፡፡ ጥሩ ሰዓት ላይ ነው የጠየቀን፡፡ ልጃችንን ብንድርለት ይሄ ሰውይ ቤታችንን በምንፈልገው ነገር ሁሉ ሊሞላን ዝግጁ ነው፤ በየወሩም ጥሩ ድጋፍ ሊደርግልን ተስማምቷል!

አይሆንም! በፍጹም … ወይ ዳኒ፡፡ ለዚያ … ለዚያ ሰውዬ ልጃችንን ለመስጠት እንዴት ታስባለህ! በጣም ሽማግሌ እኮ ነው፤ በዚያ ላይ ሚስት አለው!

ሚስቱኮ አምና ሞተች፣ እና ልጃችን ጥሩ ሚስት እንደምትሆነው ያምናል! ውዴ አስቢበት …

አላደርገውም፡፡ ሴርዋ በጣም አዋቂ ወጣት ናት፡፡ ትምህርቷን መጨረስ እና ዩኒቨርሲቲ መግባት አለባት፡፡ ብሩህ ተስፋ ያላት ልጅ ናት!

ሃብታም ወንድ ከማግባት በላይ ምን ብሩህ አለ? አለምን በሙሉ ይሠጣታል፡፡

ውሸት፡፡ እንዳንተ ያለ መምህር እንዲህ ሊያስብ ይችላል ብዬ ማሰብ አልችልም! እንዲዚህ ባለ ጊዜ ልጅህን ለአንድ ሃብታም በትዳር ለመሸኘት እንዴት ማሰብ ቻልክ? ሴርዋ ገና ልጅ ናት እኮ በፈጠረህ!

ምን ልጅ ናት!

አስራ ሰባት አመቷ ነው፡፡

አዎ ደርሳለች፡፡

በፍጹም፡፡ እኔ በዚህ አልስማማም! ልጄን ለማይታወቅ ሰው እንድትድራት አልፈቅድም፡፡ እዚህ ከተማ እንኳ የሚኖር ሰው አይደለም እኮ፡፡ ቢያንገላታትስ፣ ቢጎዳትስ?

አያደርገውም፡፡

እንዴት አወክ?

በጣም ይወዳታል፡፡ ደሞ የማይታወቅ አይደለም፣ ጓደኛየ ነው፡፡

ድንቄም ጓደኛ፡፡ እኔ ሞቼ ነው ልጄን ለባእድ የምትድራት!

[በጥፊ ይመታታል፣ ትጮሃለች] ካልሽ ይሁና! እንዴት ነው የምትመልሽልኝ እባክሽ! እዚህ ቤት ውስጥ ያለሽን ቦታ ረሳሽ እንዴ? ሚስቴ ነሽ!! አንቺ ከኔ እኩል አይደለሽም!! ሁለተኛ መልስ እንዳትሰችኝ!

በሩን ጓ ያደርገዋል፤ ፎሪዋ ከቁጥጥር ውጭ ስቅስቅ ብላ ታለቅሳለች

 

የፎሪዋ ቤት

ፎሪዋ፣ ዳንኤል፣ ልጆች (ሴርዋ፣ ቤቢ እና ፓፓ)

በር ሲጥጥ ብሎ ይከፈታል

ሴርዋ! ቀኑን ሙሉ የት ነው የዋ

ሽው? ስታስጨንቂኝ ዋልሽ እቦ!

ይቅርታ እማማ፡፡ ተኝተሸ ስለነበር ልቀሰቅስሽ አልፈለኩም፡፡ እንኪ ትንሽ ምግብ እና ሳንቲም አምጥቼልሻለሁ፡፡

እንዴ ከየት አገኘሽው?

ቤት የሰራኋቸውን ማስኮች ሸጥኳቸው፡፡

ውነት! እጄን ላፍታታበት ነው ስትይኝ አልነበረም፡፡

አዎ ግን ስጨርሳቸው አሪፍ ሆኑልኝ፡፡ ቤት ገንዘብ እንደሚያስፈልገን ስላወኩኝ ሸጥኳቸው፡፡

ወይ ሴርዋ ምን ላድርግሽ፡፡ ኮርቼብሻለሁ፡፡

አመሰግናለሁ እማማ፡፡ አንቺ እና አባባ ኑሮ እንደከበዳችሁ አውቃለሁ፡፡ ሁለት ልጆች ትመግባላችሁ፡፡ ሸክም መሆን አልፈልግም፡፡ … እኔን ከቤት ለማስወጣት ስላልተስማማሽ አመሰግናለሁ፡፡

ሽሽሽ … ዝም በይ፡፡ እንዳይሰማሽ፡፡

ይቅርታ …

ምንም አይደለም፡፡ [ጉሮሮዋን ታጠራለች] ነጠላ ጫማሽን ውጭ አድርጊና ቀጥ ብለሽ ወደ ሽንትቤት ሂጂ፡፡ ውጭ ወጥተሸ እንዳልተዘናጋሽ ተስፋ አደርጋለሁ …

ኮቪድ-19 በትክክል አለ!

አውቃለሁ እማ፤ ተጠንቅቄ ነበር፡፡ ማስኬን ቀኑን ሙሉ ሸፍኜ ነበር፡፡ ከደምበኞቼም የአንድ ሜትር እርቀት ጠብቄ ነበር፡፡

ሁለት ሜትር ካደረግሽው እረጋጋለሁ፡፡

አይ እማ ከገዢዎቼ ሁለት ሜትር ከራኩኝ እንዴት አድርጌ ምርቴን ልሸጥ በው?

የራስሽ ጉዳይ … ሳኒታይዘርሽ የታለ?

ይሄው …

ጎሽ፡፡ በይ ወደ ሽንት ቤት ሂጂ፡፡

እሺ እማማ፡፡

ደሞ እባክሽ ልብስሽን በሞቀ ውሃ ዘፍዝፈሽ በሳሙና አሁኑን እጠቢው!

አሺ እማማ!

(ድምጹ መሰማት ይጀምራል) ያቺ ልጅሽ መጥታለች?

(ታንሾካሹከላች) ተሎ በይ ወደ ሽንት ቤት ሂጂ!

በር ሲጥጥ ብሎ ይከፈታል፡፡

ለምንም አትጠቅምም ብየሻለሁ፡፡ ፍቅረኛዋን ለማግኘት ሄዳ ነበር፣ አይደለም …?

አይደለም፡፡ የሰራቻቸውን ማስኮች ለመሸጥ ሄዳ ነበር፡፡ ይሄውልህ ገንዘብ ይዛልን መጣች፡፡ ጥሩ ልጅ ናት ብየሃለሁ፡፡ እባክህ ዳንኤል ሴርዋን እንደግፋት፣ አንድ ቀን ታኮራናለች፡፡

ጥፊ ከፊቴ፤ ሁለታችሁም ታስጠሉኛላችሁ፡፡

ዳንኤል፣ ምን አድርጌሃለሁ እንደዚህ የምታደርገኝ? ሴርዋ ብቸኛዋ ሴት ልጃችን ናት፣ እሷን …

ውጭልኝ አልኩሽ እኮ! (ደጋግሞ ሲመታት በህመም ታለቅሳለች፡፡ ሕጻኑ ማልቀስ ይጀምራል፡፡)

አባባ … ዳዳ … ተው (እየተንሰቀሰቀ ያለቅሳል)

ዝም በል፣ ምን ታውቃለህ? (ፎሪዋን እንደገና ይመታታል፤ እሷም ትጮሃለች)

አባባ!

አንቺ ደሞ ሴርዋ!

እባክህ አትምታት … እባክህ …

ባል አግቢና ከዚህ ቤት ውጭልኝ፤ እኛ የምናበላው ብዙ ልጅ አለን፡፡ አንቺ ትልቅ ነሽ ከጫንቃችን ውረጅ፡፡ ሂጅ እቃሽን አዘጋጂ፣ እዚህ ቤት የምትኖሪበት ጊዜ ሊያበቃ ትንሽ ቀን ነው የቀረሽ!

እባክህ አትምታት እባክህ …

ከፊቴ ጥፉ … ሁላችሁም፡፡ (በሩን በሃይል ይዘጋዋል)

ልጆች ጮኸው ያለቅሳሉ፤ እናት ተንሰቅስቃ ታለቅሳለች፡፡

ይቅርታ እማማ ይቅርታ!

ያንቺ ጥፋት አይደለም፤ ሁላችሁም አላጠፋችሁም፡፡ አባታችሁ ስለጨነቀው ነው፡፡ ሁሉም ነገር ደህና ይሆናል፡፡

 

የፎሪዋ ቤት

ፎሪዋ፣ ዳንኤል፤ ልጆች (ሴርዋ፣ ቤቢ እና ፓፓ)

መግቢያ ሙዚቃ

እማ … እማማ! ይሄን ፕሮግራም መስማት አለብሽ፡፡ በጣም አስተማሪ ፕሮግራም ነው፡፡

ስራ ይዣለሁ ሴርዋ፡፡ ራዲዮውን ወደ ማድቤት ይዘሽው ነይ፡፡

እሺ፡፡ (ቆም ትላለች)

ሙሲቃ ይጫወታል

አዳምጪ የራዲዮ ኤክስ ሳምንታዊ መልእክት ነው፡፡ በየሳምንቱ የተለያዩ ርእሶችን ያቀርባሉ፡፡ በጣም አስተማሪ ነው፡፡

[የራዲዮው ድምጽ ይመጣል] ይህ የራዲዮ ኤክስ ሳምንታዊ ስርጭት ነው፡፡ ሰላም ውድ አድማጮቻችን፡፡ ይህ መልእክት በሴቶች የፍቅር እና አገልግሎት ፋውንዴሽን ቀርቦላችኋል፡፡ በጥንቃቄ አድምጡ ራሳችሁንም ጠብቁ፡፡

የአንድ ሰከንድ ሙዚቃ፣ ከዚ የሚከተለው መልእክት ይተላለፋል

በዚህ የኮቪድ-19 ወረርሽኝ ወቅት ሰዎች በአንድ ቦታ ለረጅም ጊዜ ስለሚቀመጡ ጾታን መሰረት ያደረጉ ጥቃቶች የመፈጠር እድላቸው ይጨምራል፣ ነገር ግን በወዳጆቻችን ላይ ጉዳት ከማድረስ መታቀብ አለብን፡፡ ጾታን መሰረት ያደረጉ ጥቃቶች ተጎጆዊች ላይ ብዙ ስቃይ እና ጉዳት ያድረሳሉ፣ የሰውን የማንነት ክብር ያጠፋሉ፣ በአካ እና በአይምሮ እንዲሽመደመዱ ደርጋሉ፡፡

ውድ አድማጮቻችን መደፈር፣ ያለእድሜ ጋብቻ፣ የሴቶች ግርዛት፣ ተገዶ መዳር እና አካላዊ አእመሯ ዊ እና ስሜታዊ በደሎች ሁሉም ጾታ መሰረት ያደረጉ ጥቃቶች አይነቶች ናቸው፡፡ በሕግ የሚያስቀጡ እና አጥፊዎቹ ታስረው የሚከሰሱባቸው የበደል አይነቶች ናቸው፡፡

ማንኛውም አይነት ጾታዊ ጥቃት እየደረሰበት ያለ የሚያውቁት ሰው ካለ እባኮትን ዝም አትበሉ፡፡ እንዲዚህ ያሉ ጉዳዮችን በቅርብ ለሚገኝ ፖሊስ ጣቢያ ይጠቁሙ ወይም በሚከተሉት ስልክ ቁጥሮች ይደውሉ፡- *3390# ወይም *12i4፡፡ (የኤዲተሩ ማስታወሻ፡- እነዚህ ትክክለኛ ቁጥሮች አይደሉም፡፡ በአካባቢያችሁ ያለ ትክክለኛ እርዳታ የሚገኝበት ስልክ ቁጥር ባለቤቱን ፈቃድ ጠይቃችሁ ማስገባት ትችላላችሁ፡፡)

እናቶች፣ አያቶች፣ ወንድሞች፣ እህቶች፣ ጎረቤቶች ሁላችንም እርስ በርስ እንጠባበቅ፡፡ በአካባቢችሁ ያሉ ተጠቂዎችን ድረሱላችው፡፡ ውድ ጉዳት የደረሰባችሁ ሰዎች እርዳታ ለመጠየቅ አትፍሩ፡፡ በቤት ውስጥ ቆዩ፣ ደህንነታችሁን ጠብቁ፣ ለተደበቀው ወረርሽኝ ማለትም ለጾታዊ ጥቃት እጅ አትስጡ!

የፕሮግራሙ መለያ ሙዚቃ ይጫወታል

እሱን ነገር አጥፊው፣ ራዲዮውን አጥፊው! ስለዚህ ጉዳይ እንደሚያወሩ አውቀሽ ነበር?

እማማ …

አውቀሽ ነበር ወይ?

አላወኩም … ባለፈው ሳምንት ሰምቼው በኮቪድ-19 ምክንያት በታወጀው ከፊል የእንቅስቃሴ እግድ ጊዜ እንዴት እራሳችንን መጠበቅ እንደምንችል አስተምረውን ነበር፡፡ የዛሬው መልእክት ምን እንደሆነ አላወኩም ነበር፡፡ (ቆም ትላለች) እማማ ደና ነሽ?

አዎ!

ታዲያ ለምንድን ነው ጠረጴዛውን በቢላ የምትወጊው? (ፎሪዋ ቢላውን ትጥለዋለች)

ቢላዋው ወደ መሬት ሲወድቅ ሴርዋ የታፈነ ጩኸት ታሰማለች፡፡

እማማ … (በቀስታ)

ይህንን ፕሮግራም ስንሰማ አባትሽ ቢያገኘን ምን እንደሚያደርግ ታውቂያሽ?

ግን አልሰማም እኮ፣ ስለዚህ ለኛ ጥሩ ነው፡፡ እማማ እርዳታ መጠየቅ አለብን፡፡ ለፖሊስ እንናገር ወይም …

ሽሽሽ ማንም ወደ ፖሊስ አይሄድም፡፡ አብደሻል? አባትሽን እንዲያስሩት ትፈልጊያሽ?

ግን እማማ ለማናውቀው ሰው ሊድረኝ ይፈልጋ፡፡ እማማ ገና ሕጻን ልጅ ነኝ፣ እኔን እንዲድረኝ ሕጉ አይፈቅድለትም፡፡ ባሌ አርብ እንደሚመጣ ነግሮኛል፡፡

ምን አለሽ???

አዎ እማ፡፡ እንዳልነግርሽ ቃል አስገብቶኛል፡፡ አንቺ ብትስማሚም ባትስማሚም እኔን ሊድረኝ ቆርጧል፡፡

አይሆንም!

እና ምን እናድርግ እማማ?

አላውቅም …

ግንኮ እማማ…

ሕጻን ልጅ ያለቅሳል

ሂጅልኝ እና ወንድምሽን ጠብቂ፡፡ ተይኝ፡፡ ላስብበት፡፡

እሺ፡፡

ፎሪዋ ምርር ብላ ታለቅሳለች

 

የፎሪዋ ቤት

ፎሪዋ፣ ዳንኤል፣ ልጆች (ሴርዋ፣ ቤቢ እና ፓፓ)፣ ባባ፣ ፖሊስ፣ ቪቪየን

የጭነት መኪና ድምጽ

ያው መጣ፡፡ ና እዚጋ አቁም፡፡ እንኳንም አገኘሁህ ውድ ጓደኛዬ፡፡ በከፊል እግዱ ምክንያት የምትመጣ አልመሰለኝም ነበር፡፡ የፖሊስ ኬላዎችን እንዴት አለፍካቸው?

ሃሃሃሃ፣ ለቤት የሚያስፈልጉ ነገሮችን ለመግዛት ሄድኩኝ፡፡ ይሄን ሁሉ ምግብ ለምስክርነት ተሸክሜ ማን እንዳላልፍ ሊከለክለኝ ነው?

የድምጽ ኢፌክት: ትልቅ የሳቅ ድምጽ

ሰራህላቸው፣ ጓደኛየ፡፡ (ቆም ይላል) ፎሪዋ ነይና እነዚህን ነገሮች አስገቢ፡፡

አቤት?

ጀሮሽ አይሰማም፡፡ ነይ ሄንን አስቤዛ አስገቢው አልኩሽ!

እሺ፡፡ (ትጣራለች) ሴርዋ …

ሴርዋ አታስፈልግም፣ ባሏን ለመገናኘት እየተዘጋጀች ነው፡፡ ጥሎሽ እስክንስማማ እና የተለመደውን አረቂ እስክንቀበል ድረስ ሊያያት አይገባም፡፡

ወንዶች በጣም ይስቃሉ፡፡

ልክ ብለሃል ጓደኛዬ፡፡ (ይስቃል)

ዳንኤል አንዴ ቤት ላነጋግርህ … እባክህ?

ባባ ቁጭ ብለህ ጠብቀኝ፤ አሁን እመለሳለሁ፡፡ ፓፓ ለባባ የሚጠጣ ውሀ ስጠው እስኪ፡፡

ፓፓ ማስክህን አድርግ፡፡ ከእንግዶቹም ቀርበህ አትቁም፤ ውሃውን ጠረጰዛው ላይ አድርግላቸውና ወደ ቤት ግባ፡፡

እሺ እማማ፡፡

ይህ ሁሉ ምን ለማለት ነው?

ልጆቼን ከኮሮናቫይረስ መጠበቅ አለብኝ፡፡

ለምን? ባባ ስታይው በሽተኛ ነው?

አላ ኩም፣ ነገር ግን ኮቪድ-19 ኖሮብህ ምንም ምልክት ላታሳይ እንደምትችል ሰምቻለሁ፡፡ ኋላ ከማዘን መጠንቀቅ ይሻላል፡፡

ዳንኤል: የራስሽ ጉዳይ! ምን ፈለግሽ አሁን፣ ጓደኞቼን ማስጠበቅ አልፈልግም፡፡

ዳንኤል እባክህ ተረጋግተህ አስበው፡፡ ልጅህን አስገድዶ መዳር ሕገ ወጥ ነው፡፡ ሴርዋ እድሜዋ አልደረሰም፡፡ ልትታሰር ትችላለህ፡፡ ውዴ እባክህ አዳምጥ …

ምን! እኔ የማይሰማኝ ወይም እብድ አደረግሽኝ?

እንደሱ ማለቴ አይደለም፡፡ እኔ …

ከጉዳዬ ውስጥ ውጪ ሴትዮ፡፡ [አንቆ ይዞ በያዳንዱ ቃል ይመታታል] እኔ – በልጄ- የፈለኩትን-አደርጋለሁ፡፡

ኡኡኡ ድረሱልኝ ኡኡኡ

አባባ እባክህ ተው … አንገቷን ልቀቃት፣ ትገላታለህ፡፡ እባክህ አቁም … ድረሱልን …

በሩ ሲጥጥ ብሎ ይከፈታል

እንዴ ጓደኛዬ ምን እያደረክ ነው? ሚስትህን ልትገላት ትፈልጋህ እንዴ? ልቀቃት!

ዳዳ፣ ዳዳ፣ ፖሊሶች ውጭ ቆመዋል!

ምን? ፖሊስ? ማነው ፖሊስ የጠራው? ፎሪዋ፣ አንቺ ነሽ ፖሊስ የጠራሺው?

አይደለሁም … [ትስልና በእንባዋ መሃል ለመናገር ትሞክራለች] ውነቴን ነው ፖሊስ አልጠራሁም፡፡ ምናልባት ጎረቤቶቻችንን ፈልገው ይሆናል፡፡

አዎ እዚህ ግቢ የምንኖር እኛ ብቻ አይደለንም፡፡ አሁን ሁላችሁም እንድትረጋጉ እፈልጋለሁ፣ ትሰማላችሁ?

ለቋት ሄድና በሩን ከፍቶ ወደ ውጭ ይወጣል፡፡

እንደምን አደርክ ጌታየ፡፡ ቪቨየን ላምፕቴይ እባላለሁ፡፡ ከሴቶች የፍቅር እና አገልግሎት ፋውንዴሽን ነው የመጣሁት፡፡ አንዲት ወጣት የጭንቀት ጥሪአስተላልፋልን ነበር፤ ወደዚህ ግቢ የመራችኝ እሷ ናት፡፡

እሺ፣ ሊሊያን ልትሆን ትችላች፡፡ የሚቀጥለው ቤት ጠይቂ፡፡

አሁን ያለሁት ትክክለኛው ቦታ ላይ ይመስለኛል፡፡ አቶ ዳንኤል ነዎት?

አዎ እኔ ነኝ፡፡ እኔ ደውዬ ነበር??

አይ አልደወሉም፡፡ የደዋዩን ስም መግለጽ አንችልም፡፡ ግን በቂ መረጃ አለን፡፡ እድሜዋ ያልደረሰችውን ልጆትን ለመዳር እንዳሰቡ እናውቃለን፡፡ ይህ የአገሪቱን ሕግ የሚጥስ ሲሆን በህግ የሚያስቀጣ ጥፋት ነው፡፡

ፎሪዋ (ቆም ይላል) አንቺ ነሽ አይደል? ደወልሽላቸው? (ይዝታል) አንቺ ምስጋና ቢስ ሴት፣ እኔ … …

አቁም አባባ! እናቴን ትገላታለህ … እኔ ይህን ሽማግሌ ሰውየ ማግባት አልፈልግም፡፡ እትዬ እባክሽ እርጅን፡፡

ሴርዋ!

ልጄን ለቀቅ አድርግ፤ እኛ ምንም አላደረግንም፡፡ ውነቴን ነው! እኔ አልደወልኩላቸውም!

ዝጊ ሴትዮ! (ፎሪዋን በሃይል ይይዛታል)፡፡ ንገሪኛ ታዲያ እነዚህ ሰዎች እዚህ ምን እያደረጉ እንደሆነ፡፡ (ፎሪዋ በፍርሃት ትጮሃለች)

እንዳትነካት፡፡ ኮንሰታብል ብራይት ቢልሰነ እባላለሁ፡፡ ልጅህን ያእድሜዋ ለመዳር በመሞከር እና ሚስትህን በመደብደብ ታስረሃል፡፡ ዝም የማለት መብት አለህ፤ የምታደርገውም ሆነ የምትነገረው ነገር ሁሉ በፍርድ ቤት መረጃ ሆኖ ይቀርብብሃል፡፡ የህግ አማካሪ የማግኘት መብት አለህ፡፡

ምን? አይሆንን … ልጄ 18 ዓመቷ ነው፣ እድሜዋ ደርሷል፤ ለማግባትም ተስማምታለች፡፡ ባለቀ ሰኣት ነው ሃሳቧን የቀየረችው፣ ለኔ እንዴት እንደምትነገረኝ ጠፍቷት ነው፡፡ ለዚያ ነው የምትዘላብደው … ባለቤቴም ምንም አልሆነችም፡፡ እይዋት ምንም አልሆነችም፡፡

እንደዛ ነው? ታዲያ የሚስትህ ፊት የበለዘው ምን ሆኖ ነው?

ኧረ ወድቄ ነው፡፡

ሰማሻት አይደል ሚስቴን፡፡ ወድቃ ነው፡፡ ቤቴ መጥተሸ በሃሰት ልትከሽኝ መብት የለሽም፡፡

አሜቴ ምንም መፍራት አያስፈልግሽም፡፡ እባክሽን ውነቱን ንገሪን፡፡ ሁሉም ነገር ደህና ይሆናል፣ አትፍሪ፡፡ ይህ የዜጎች መብት ጉዳይ ስለሆነ አንቺም ልጅሽም ባልሽም ቢሆን የሚያስፈልጋችሁን ድጋፍ እንታገኙ እናደርጋን፡፡ ባለቤትሽ ይህን ጉዳት ካደረሰብሽ ችግር ሊኖርበት ይችላል፡፡

እማማ እባክሽ ውነቱን ንገሪያቸው … እርጅኝ እማማ፡፡ አባባም እርዳታ ያስፈልገዋል …

እመኝኝ፣ ቤተሰብሽን ለመርዳት ትክክለኛው መንገድ ይሄ ነው፡፡ ባልሽ ለሰራው ወንጀል በሕግ ይጠየቃል፣ ነገር ግን እሱም እራሱን እንዲያሻሽል እና ምርጫዎቹ ላይ በደንብ እንዲያስብ ይህ የተሻለው መንገድ ነው፡፡ እንዲዚህ መርዛማ በሆነ ከባቢ ልጆችሽን ማሳደግ የለብሽም፡፡

እማማ እባክሽ… እባክሽ

ፎሪዋ … እባክሽ …

አዎ እሱ ነው፡፡ ሁል ጊዜ ጉዳት ያደርስብኛል፡፡ እየባሰበት ነው የሄደው፡፡ የእንቅስቃሴ እገዳ ተደርጎ ቤት መዋል ከጀመርን በኋላ የበለጠ መጥፎ ሆኗል፡፡ ለልጆቼ ሁለቱ ወንዶች ልጆቼ እና ቆንጆዋ ልጄ ሴርዋ ሁልጊዜ እፈራለሁ፡፡ በጣም አዋቂ ልጅ ናት፡፡ ይሄን አሮጌ ቂል ማግባት አይገባትም፡፡ [ታለቅሳለች]

ማነው አሮጌ ቂል? አምቻሽ ነኝ፣ ንቀት አታሳይኝ!

ኮንስታብል ይህንንም ሰውየ እሰረው፤ እድሜዋ ያ

ደረሰች ልጅ ለማግባት ነው የመጣው፡፡

ጌታየ አንተም ከኔ ጋር ወደ ፖሊስ ጣቢያ መሄድ አለብህ፡፡

አይሆንም፣ አይሆንም፣ አይሆንም …

ቃልህን ጣቢያ ስንደርስ እንቀበልሃለን፡፡ ዝም የማለት መብት አለህ፤ የምታደርገውም ሆነ የምታነገረው ነገር ሁሉ በፍርድ ቤት መረጃ ሆኖ ይቀርብብሃል፡፡ የህግ አማካሪ የማግኘት መብት አለህ፡፡

በር ተክፈቶ ይዘጋል፡፡ ቆም ይልና እንደገና ይከፈታል፡፡

የልጄ የልደት ሰርቲፊኬት ይሄው፡፡ ዕድሜዋ እንዳልደረሰ ማረጋገጫ ነው፡፡

ፎሪዋ፣ እባክሽ፡፡ እመቤቴ ይቅርታ፡፡ እስኪ እንነጋገር፡፡ ሙሉ በሙሉ እንቅስቃሴ ከመታገዱ በፊት የእለት እንጀራችንን ለማግኘት እየሞከርኩ ነበር፡፡ ከስረናል … ትምህርት ቤት ስለተዘጋ የደሞዛችንን ግማሹን ብቻ ነው እየከፈሉን ያለው፡፡ እኔ ገንዘብ የሚያስፈልገኝ የጨነቀው አባት ነኝ፡፡

ሚስትህን ለመደብደብስ ምክንያትህ ምንድን ነው? እያት እስኪ – ፊቷ ካንተ ዱላ የተነሳ አብጧል፡፡

ይቅርታ፤ ልጎዳት ፈልጌ አይደለም፡፡ ስለጨነቀኝ ነው፡፡

መጨነቅ የትዳር ጓደኛህን ወይም የምትወዳቸውን ሰዎች እንድትበድል ፈቃድ አይሰጥህም፡፡ መሮጥ፣ ስፖርት መሥራት፣ በጽሞና ማሰብ ወይም ሌሎች ጤነኛ ነገሮችን በማድረግ ጭንቀትህን ማስወገድ ትችላለህ፤ አንተ ግን ሌሎችን ለመጉዳት ወሰንክ፡፡

እንሂድ!

እባክህ [ማልቀስ ይጀምራል]፡፡ ይቅርታ፣ ይቅርታ፡፡

ከመጣን ጀምሮ በግልጽ ስለነገርሽን አመሰግናሁ ሴርዋ፡፡ በጣም ጀግና ነሽ፡፡ በሮቻችን ላንቺ ክፍት ናቸው፡፡ በርቀት የምክር አገልግሎት ልንሰጥሽ እንችላለን፤ ሕይወታችሁ እስከሚስተካከልም ድረስ የገንዘብ ድጋፍ ማድረግ እንችላለን፡፡ ካርዴን እንኪ፡፡ በማንኛውም ጊዜ ልትደውይልኝ ትችያለሽ፡፡

[እንደማለቃቀስ እያች] አመሰግናለሁ፡፡

እመቤቴ አንቺ እና ልጅሽ ቃላችሁን ለመስጠት ከኔ ጋር ወደ ፖሊስ ጣቢያ መምጣት አለባችሁ፡፡ እሷ እድሜዋ ስላልደረሰ አንቺ ፈቃደኝነትሽን መግለጽ አለብሽ፡፡

እሺ አንመጣለን፡፡

እኔ በመኪና አመጣቸዋለሁ፡፡ በኮቪድ-19 ምክንያት የፖሊሱ መኪና አሁን ሞልቷል፡፡

አመሰግናለሁ፡፡ በጣመ ባለውለታ ነን፡፡

ዳንኤል ሳግ እየተናነቀው ማ

ቀስ እና መለመን ይቀጥላል፡፡

 

ፖሊስ ጣያ

ቪቪየን፣ ፎሪዋ፣ ዳንኤል፣ ፖሊስ

የእግር ኮቴ

እንደምን አደሩ ኮንሰታብል

እንደምን አደራችሁ፤ እንኳን ደህና መጣችሁ፡፡ ምን ልርዳችሁ?

እምምም ደህና ነኝ፡፡ ማለቴ ባለቤቴን … እእእ… በዋስ ለማስወጣት ፈልጌ ነበር የመጣሁት፡፡

አቶ ዳንኤልን ነው? ቆይ ቆይ አንቺ ፎሪዋ አይደለሽም?

አዎ፣ ፎሪዋ ነኝ፣ ባለቤቱ፡፡

ስልደበደበሽ ወደ ቤትሽ ተጠርተን መጥተን ነው ያሰርነው፡፡ እና አሁን በዋስ ልታስፈቺው ነው? [አፉን ከድኖ ይስቃል]

ኮንስታብል … ሊያስገርም ይችላል፣ ግን ባለቤቴ ነው … ደሞ ብዙ ጭንቀት ነበረበት! ምን እንደሚያደርግ አላወቀም ነበር፡፡ እባኮት አሁን ባሌን በዋስ ላስፈታ ነው የመጣሁት፡፡

ኮንስታብል እባኮትን አቶ ዳንኤልን ያስጠሩልን፡፡

የእስር ቤት ክፍል በር ሲጥጥ ብሎ ይከፈትና ይዘጋል፡፡

ፎሪዋ ተረጋጊ፡፡ እንደፈራሽና እንደተጠራጠርሽ አውቃለሁ …

አዎ፣ ባሌን እዚህ መተው አልፈልግም …

ፎሪዋ፣ መጣሽ እንዴ!

እንዳትነካኝ፡፡

ይቅርታ ፎሪዋ፤ እባክሽ ይቅር በይኝ፡፡

ዳንኤል፣ ይህን ያህል የምትወድህ ሚስት አለችህ፣ አንተ ግን እንደዚያ ታንገላታታለህ፡፡ [አፏን ከድና ትስቃለች]

እስኪጠፋብሽ ድረስ ያለሽን ነገር አታውቂውም፡፡ ሕምም፡፡ ጓደኛዬ ባባስ እንዴት ነው፤ አሁንም እዚህ ነው?

ሦስተኛ እና አራተኛ ሚስቶቹ ነን ያሉ ሁለት ሴቶች በዋስ ሊያስፈቱት መጥተው ነበር!

ሦስተኛ እና አራተኛ ሚስቶች? ዳንኤል ሚስቱ ሞታበታለች አላልከኝም ነበር?

ውሸቴን ነበር፡፡ ይቅርታ፣ ፎሪዋ፡፡ ባደረኩት ተጸጸቻለሁ፤ ከአንግዲህ አይሆንም፡፡

ወይ አምላኬ! ይህንን አውቄ ቢሆን ኖሮ አንተን በዋስ ለማስወጣት አልመጣም ነበር፣ አንተ ውሸታም! ቪቪየነ ዋስ እንዲገኝ ያደረግሽ ለምንድን ነው? ንጹኋን ልጄን አምስተኛ ሚስቱ ለማድረግ በመፈለጉ የእጁን ሳያገኝ እንዲወጣ አልፈልግም፡፡

አይዞሽ ፎሪዋ፡፡ የሥራውን ያገኛል፡፡ ዕድሜዋ ያልደረሰች ልጅ ለማግባት በመሞከሩ በቅርብ ችሎት ፊት ይቀርባል፡፡ ባልሽም እንዲሁ፡፡

እመቤቴ በራሴ በጣም እፍሪያለሁ .. ቢምቢ በሞላው እስር ቤት ውስጥ ያሳለፍኳቸው ሁለት ቀኖች እንዳስተውል አድርገውኛል፡፡ ፎሪዋ በነዚህ ፖሊሶች ፊት አንቺንም ስርዋንም ይቅርታ መጠየቅ እፈልጋለሁ፡፡ ቤተሰቤን ለማስተዳደር ያለው ጫና እንዲህ ናላየን እንዲዞረው እንዴት እንደፈቀድኩለት አላውቅም፡፡ አይምሮየን ነው ያጠፋው፡፡ አንዳንድ ወንዶች እኔን ጨምሮ ከሁሉ ነገር በላይ የሆንን ይመስለናል … (ቆም ይላል) ሕጉ እስኪይዘን ድረስ የማንነካ ይመስለናል፤ ያኔ ከህጉ በተቃራኒ ጎን መገኘት እንዴት አስቸጋሪ እንደሆነ እናያለን፡፡ ከልቤ አዝናለሁ፡፡ ነገሮችን ማስተካከል እፈልጋለሁ፡፡ አንቺም ልጆቻችንም ላይ ከዚህ በኋላ እጄን አላነሳም፡፡ አንቺንም ልጆቼንም የሚያስከፋ ቃል ላለመጠቀም እሞክራሁ፡፡

አቶ ዳንኤል፣ ወሬ ቀላል ነው በድርጊት ካ

ተደገፈ፡፡ እንካ ይሄ ደብዳቤ ወደቤት ውስጥ ጥቃት እና ተጎጂዎች ማዕከል እንድትመጣ ግብዣ ነው፡፡ ባለቤትህ ቅሬታዋን ልካለች፣ ስለዚህ ከአንድ የቤተሰብ አባል ጋር ቢቻል ሽማግሌ ሰው አብረህ መምጣት ይጠበቅብሃል፡፡

ይቅርታ አልኩኝ እኮ… ፎሪዋ?

ይሄ ለሁለታችሁም አስፈላጊ ደረጃ ነው፣ ዳንኤል፡፡ ሕጉ ታሪክህን መመዝገቡን የምናራጋግጠው በዚህ መንገድ ነው – ምናልባት ድጋሚ ተመሳሳይ ስህተት ከሠራህ!

ሁለተኛ አይደገምም ፎሪዋ፡፡ ሁለተኛ አልመታሽም፣ እባክሽ፣ እስር ቤት መግባት አልፈልግም …

በቤታችን ምን እየተፈጠረ እንደሆነ ቤተሰቦቻችን ማወቃቸው ለኔ አስፈላጊ ነው፡፡

አዎ በማእከሉ የአጥቂ እና ተጠቂ ቤተሰቦች ለምስክርነት ይጠራሉ፡፡ በዚህ መልክ ለነሱም ለሕጉም ተጠያቂነት ይኖርሃል፡፡

ወረርሽኙ ሰዎች የትዳር ጓደኞቻቸውን እንዲጠቁ ቀላል አድርጎላቸዋል፡፡ ይህ አስጨናቂ ሁኔታ ነው፡፡ አንተና ሌሎችም አጥፊዎች ኮቪድ-19 ወንጀል ለመፈጸም እና የትዳር ጓደኞቻችሁን ለመበደል አጋጣሚ እንዳ

ሆነ እና ሁሉም አጥፊ በሕግ ተጠያቂ እንደሚሆን እንደምታውቁ ተስፋ እናደርጋለን፡፡ ከተያዝክ ህጉ በሙሉ ኃይሉ ያርፍብሃል፡፡

ዳንኤል ይህ ደብዳቤ የእስር ፍርድ አይደለም፡፡ በማእከሉ ይህንን ሁኔታ ከቤተሰብህ ጋር ተነጋረህ ለመፍታት እድል ይሰጥሃል፤ ካልሆነ እንደጥፋቱ መጠን ጉዳይህ ወደ አማራጭ የክርክር መፍቻ ማዕከል ይተላለፋል፡፡ ይሄ እንግዲህ ሚስትህ ሁለተኛ እድል እንደምትሰጥህ እና እንደማትሰጥህ ታይቶ ይወሰናል፡፡ ነገር ግን አስፈላጊ ሆኖ ከተገኘ ሚስትህ ለመክሰስ ወሰነችም አልወሰነችም በህግ እንደምትጠየቅ መገንዘብ አለብህ፡፡ ስለዚህ ከዛሬ በኋላ በጣም ጥሩ ጸባይ ማሳየት አለብህ፡፡

ጥሩ ሰው እንደሆንክ አውቃለሁ፤ ሌላ እድል ልሰጥህ እፈልጋለሁ … በትግስት እና በጽናት ይህንን የወረርሽኝ ወቅት እናልፈዋለን፡፡ ይህንን ግን በህጋዊ መንገድ ማድረግ አለብን፣ ሁለተኛ እንዳሻህ ልታደርግብኝ አትችልም፡፡

አመሰግናለሁ ፎሪዋ፣ ይገባኛል … አሁን ወደ ቤት እንሂድ፡፡

ዳንኤል፣ አሁን ወደ ቤት ለመሄድ ዝግጁ አይደለሁም፡፡ (ቆም ትላለች) ሴርዋም ዝግጁ አይደለችም፡፡ ብትናፍቃትም በጣም ግራ ተጋብታለች፡፡

ይገባኛል፤ ግን የት ትቆያላችሁ?

አንተን በዋስ ለማስፈታት ስንስማማ ወደ መጠለያችን አምጥተናቸዋል፡፡

መጠለያ?

አዎ፡፡ የሴቶች ፍቅር እና አገልግሎት ፋውንዴሽን መጠለያ፡፡ አይዞህ እየተንከባከብናቸው ነው፡፡ የቫይረሱን ስርጭት ለመገበደብ እና መጠለያችንን ጤናማ ለማድረግ ሁልጊዜም የማሕራራዊ መራራቅ ደምቦችን እንፈጽማለን፤ የዓለም ጤና ድርጅት እና የጋና ጤና አገልግሎት ያወጧቸውን መመርየዎችም እንከተላለን፡፡ በሳምንት አንድ ቀን ከነሱ ጋር እንድትገናኝ ይጠበቅብሃል፣ በጉብኝትህም ወቅት ተቆጣጣሪ ይኖራል፡፡ የአይምሮ ሕክምና ባለሙያዎቻችን አንተና ቤተሰብህ እየራሳችሁን እንድትገነዘቡ እና ፍርሃቶቻችሁን እንድታሸንፉ፣ ንዴታችሁን እና ጭንቀታችሁን መቆጣጠር ትችላላችሁ፡፡ ይህ ሂደት ካበቃ በኋላ ዱላ እና ሌሎች አጠራጣሪ እርምጃዎችን ሳትጠቀም ቤተሰብህን ለመንከባከብ የተሻለ ብቃት እንዲኖርህ የእርቀት ስብሰባዎችም ይኖራሉ፡፡

ህምምም …

ልጅህን ለገንዘብ ብለህ መዳር ደስታዋን እና እድገቷን ያሳጣት ነበር፡፡

አዎ አይኖቼ ተገልጸዋል፤ ትምህርቴን ተምሪያለሁ፡፡ ልጄ ሙሉ እና ደስተኛ ህይወት እንድትኖር የሚያስፈልገውን ሁሉ አደርጋለሁ፡፡

አዎ ዳኒ፡፡ ገንዘብ ማለት ሁሉም ነገር አይደለም፡፡ ዋናው ነገረ ትእግስት እና የመኖር ቁርጠኝነት ነው፡፡ በየቀኑ ሕይወት እየተሻሻለ ይሄዳል፡፡

ጥሩ ተናግረሃል ዳንኤል፤ ነገር ግን አሁን ምግባርህ ይናገር፡፡ የሃገሪቱ ሕግ በዝምታ ይከታተልሃል፤ ድጋሚ እስከምትያዝ ድረስ እንከታተልሃለን፡፡ ደግመን እስከምንገናኝ ቻው …

ኧረ በፍጹም እኔ ፖሊስ ማቆያ ውስጥ ድጋሚ አልገባም፤ እንደገና ተወልጃለሁ! [ሁሉም ይስቃሉ]

እሱን መስማታችን ደስ ይላል፤ ካልክ አይቀር ግን ከልብህ ይሁን፡፡ አመጽ በፍጹም መልስ አይሆንም!

ደና ሁን ዳንኤል፤ በቅርብ እንገናኛለን፡፡

ደና ሁኝ ፎሪዋ፡፡ ሁሉንም ስብሰባ እመጣለሁ … ቃ

እገባልሻለሁ፡፡

ስብሰባ መምጣትህ ጥቅሙ ለራስህ ነው ዳንኤል፡፡ ካልመጣህ የባሰ ክስ ሊቀርብብህ ይችላ

፡፡ ደና ሁን፡፡

(በሀሳብ ተውጦ) እሺ ፖሊስ፤ ድህና ሁኑ፡፡

በቤተሰብ ወይም በግንኙነት ስም የፍቅር አጋሮቻቸውን፣ ሴት ልጆቻቸውን፣ እህቶቻቸውን፣ ወንድሞቻውን፣ ልጆቻውን እና የወንድም እና የእህቶቻቸውን ልጆች መበደል እንችላለን ብለው ለሚያስቡ ለአንተ እና ለሌሎም ወንዶች ይሄ እንደዚያ ሊሆን እንደማይችል ማሳያ ይሆናል ብለን ተስፋ እናደርጋለን፡፡ ማንም ከህግ በላይ አይደለም፡፡ እንደሥራህ ይፈረድብሃል – ከተበዳዩ ጋር ያለህ ዝምድና ነጻ አያወጣህም፡፡

ይህ እየተበደሉ ላሉ ሰዎችም ልመና ነው … እባካችሁ ዝም አትበሉ፡፡ አጥፊዎች ከናንተ ጋር ያላቸው ግንኙነት ምንም ቢሆን ሪፖርት አድርጉ፡፡ እንደዚህ ካለ ጭቆና ነጻ የምትወጡበት ብቸኛው መንገድ ነው፡፡ ሁላችንም የየራሳችን ጠባቂዎች መሆን አለብን፤ ሰላም፣ አንድነት እና ፍቅርም በመካከላችን እንዲዳብር ማድረግ አለብን፡፡

የድምጽ ኢፌክት: ማጠቃለያ ሙዚቃ